ەكس-پوليتسيا قىزمەتكەرى كامەلەتكە تولماعاندارعا زورلىق-زومبىلىق جاسادى دەگەن كۇدىككە ءىلىندى

فوتو: پد

شىعىس قازاقستان وبلىسىندا بۇرىنعى پوليتسيا قىزمەتكەرى كامەلەتكە تولماعاندارعا قاتىستى سەكسۋالدىق سيپاتتاعى ارەكەتتەر جاسادى دەگەن كۇدىككە ءىلىندى. بۇل تۋرالى qandastar.kz Stan.kzاقپارات اگەنتتىگىنە سىلتەمە جاساپ حابارلايدى.

«قازىر بولعان وقيعانىڭ بارلىق ءمان-جايىن انىقتاۋعا باعىتتالعان تەرگەۋ ارەكەتتەرىنىڭ كەشەنى جۇرگىزىلىپ جاتىر», – دەپ مالىمدەدى پوليتسيا دەپارتامەنتى.

دەپارتامەنتتىڭ حابارلاۋىنشا, 16 جاسقا تولماعاندارعا قاتىستى سەكسۋالدىق سيپاتتاعى ارەكەتتەر فاكتىسى بويىنشا قىلمىستىق ءىس قوزعالدى.

كۇدىكتىلەردىڭ قاماۋعا الىنعانى جانە ۋاقىتشا ۇستاۋ يزولياتورىنا ورنالاستىرىلعانى ايتىلدى.

«سونىمەن قاتار ا.جۇماگۇلوۆ ىشكى ىستەر ورگاندارىنان تەرىس سەبەپتەرمەن جۇمىستان شىعارىلعانىن حابارلايمىز», – دەلىنگەن ۆەدومستۆونىڭ حابارلاماسىندا.

ەسكە سالايىق, بۇعان دەيىن تالدىقورعان پوليتسياسىنىڭ باسشىسى قىز زورلادى دەگەن كۇدىكپەن ۇستالعان. كەيىن ول ەكى ايعا قاماۋعا الىندى. قىلمىستىق كودەكستىڭ 120-بابىنىڭ 2-بولىگى («ادامنىڭ قىزمەتتىك مىندەتتەرىن اتقارۋ كەزىندە جاساعان زورلاۋ») بويىنشا قىلمىستىق ءىس قوزعالعان. 29 اقپاندا مارات كۇشتاباەۆتىڭ قىز زورلاۋ ءىسى بويىنشا سوت پروتسەسى باستالعانى حابارلانعان.

بۇعان دەيىن تالدىقورعانداعى قىز زورلاۋ وقيعاسىنان كەيىن ورتا شەندى پوليتسيا قىزمەتكەرلەرىن اتتەستاتسيادان وتكىزبەك ەكەنى بەلگىلى بولعان.