جاڭالىقتار
ەكس-پرەزيدەنت تاعى قانداي لاۋازىمىنان ايىرىلدى?
پرەزيدەنت توقاەۆ ۇلتتىق قوردى باسقارۋ جونىندەگى كەڭەستى ءوز قولىنا الدى دەپ جازادى qandastar.kz
قاڭتار تراگەدياسىنا دەيىن اتالعان كەڭەسكە ەكس-پرەزيدەنت نازارباەۆ توراعالىق ەتكەن. ەندى جاڭا جارلىققا سايكەس, كەڭەس تىكەلەي مەملەكەت باسشىسىنىڭ جانىنداعى رەسمي ورگان رەتىندە قىزمەت اتقارادى.
جاڭارتىلعان كەڭەستىڭ وكىلەتتىگى دە ايتارلىقتاي كەڭەيدى. ەندى اتالعان ورگان ۇلتتىق قوردىڭ قارجىسىن باسقارۋ ساياساتىن جۇرگىزۋمەن قاتار, بىرىڭعاي جيناقتاۋشى زەينەتاقى قورىنىڭ (بجزق) اكتيۆتەرىن باقىلاۋعا دا تىكەلەي ارالاسادى.
ۇلتتىق قور قاراجاتىنىڭ رەسپۋبليكالىق بيۋدجەتكە ترانسفەرت تۇرىندە اۋدارىلاتىن كولەمى, نىسانالى ماقساتى جانە ناقتى باعىتتارى بويىنشا ۇسىنىس ازىرلەيدى.
سونىمەن بىرگە, ءىرى ۇلتتىق جوبالاردى قارجىلاندىرۋ جانە مەملەكەتتىك اكتيۆتەردى قانداي ينۆەستيتسيالىق قۇرالدارعا سالۋعا بولاتىنىن انىقتاۋ سەكىلدى ستراتەگيالىق شەشىمدەردى دايىندايدى.
پرەزيدەنت توقاەۆ كەڭەسكە جەكە ءوزى توراعالىق ەتىپ, وتىرىستاردىڭ كۇن ءتارتىبى مەن فورماتىن بەلگىلەيدى. سونداي-اق, پىكىر تەڭ تۇسكەن جاعدايدا پرەزيدەنتتىڭ داۋىسى شەشۋشى بولادى.
كەڭەستىڭ قالعان قۇرامى وزگەرىسسىز قالدى. ونىڭ قۇرامىنا پرەمەر-مينيستر, پارلامەنتتىڭ قوس پالاتاسىنىڭ سپيكەرلەرى (كەلىسىم بويىنشا), پرەزيدەنت اكىمشىلىگىنىڭ باسشىسى, ۇلتتىق بانك توراعاسى, پرەمەر-ءمينيستردىڭ ءبىرىنشى ورىنباسارى, قارجى ءمينيسترى, ۇلتتىق ەكونوميكا ءمينيسترى جانە جوعارى اۋديتورلىق پالاتانىڭ توراعاسى كىرەدى.
