Eks-prezıdent taǵy qandaı laýazymynan aıyryldy?

Prezıdent Toqaev Ulttyq qordy basqarý jónindegi keńesti óz qolyna aldy dep jazady qandastar.kz

Qańtar tragedııasyna deıin atalǵan keńeske eks-prezıdent Nazarbaev tóraǵalyq etken. Endi jańa jarlyqqa sáıkes, keńes tikeleı Memleket basshysynyń janyndaǵy resmı organ retinde qyzmet atqarady.

Jańartylǵan keńestiń ókilettigi de aıtarlyqtaı keńeıdi. Endi atalǵan organ Ulttyq qordyń qarjysyn basqarý saıasatyn júrgizýmen qatar, Biryńǵaı jınaqtaýshy zeınetaqy qorynyń (BJZQ) aktıvterin baqylaýǵa da tikeleı aralasady.

Ulttyq qor qarajatynyń respýblıkalyq bıýdjetke transfert túrinde aýdarylatyn kólemi, nysanaly maqsaty jáne naqty baǵyttary boıynsha usynys ázirleıdi.

Sonymen birge, iri ulttyq jobalardy qarjylandyrý jáne memlekettik aktıvterdi qandaı ınvestıııalyq quraldarǵa salýǵa bolatynyn anyqtaý sekildi strategııalyq sheshimderdi daıyndaıdy.

Prezıdent Toqaev keńeske jeke ózi tóraǵalyq etip, otyrystardyń kún tártibi men formatyn belgileıdi. Sondaı-aq, pikir teń túsken jaǵdaıda Prezıdenttiń daýysy sheshýshi bolady.

Keńestiń qalǵan quramy ózgerissiz qaldy. Onyń quramyna Premer-mınıstr, Parlamenttiń qos palatasynyń spıkerleri (kelisim boıynsha), Prezıdent Ákimshiliginiń basshysy, Ulttyq bank tóraǵasy, Premer-mınıstrdiń birinshi orynbasary, Qarjy mınıstri, Ulttyq ekonomıka mınıstri jáne Joǵary aýdıtorlyq palatanyń tóraǵasy kiredi.