جاڭالىقتار
ەكس-پرەزيدەنتتىڭ دەنساۋلىعى مەن جەكە ءومىرى تۋرالى اقپارات ەندى مەملەكەتتىك قۇپيا بولادى
فوتو: اشىق دەرەككوز
نۇرسۇلتان نازارباەۆتىڭ دەنساۋلىعى مەن جەكە ءومىرى تۋرالى اقپارات ەندى مەملەكەتتىك قۇپيا بولادى, دەپ جازدى qandastar.kz
مەملەكەتتىك قۇپيالار ءتىزىمى تاعى ءبىر تارماقپەن كەڭەيتىلمەك. ەندى ەلىمىزدىڭ ەكس-پرەزيدەنتتەرى جانە ولاردىڭ وتباسى مۇشەلەرىنىڭ دەنساۋلىعى مەن جەكە ءومىرى تۋرالى مالىمەتتەر مەملەكەتتىك قۇپيا بولىپ سانالادى. بۇگىن سەناتورلار «مەملەكەتتىك قۇپيالار تۋرالى» زاڭعا تولىقتىرۋ ەنگىزىپ, ونى پرەزيدەنتتىڭ قاراۋىنا جىبەردى.
«مەملەكەتتىك قۇپيالار تۋرالى» زاڭعا بارلاۋشىلىق, قارسى بارلاۋشىلىق, جەدەل-ىزدەستىرۋشىلىك جانە وزگە دە قىزمەتتى مەملەكەتتىك قۇپيالارعا جاتقىزۋدان باسقا, قازاقستان پرەزيدەنتىنىڭ جانە ونىڭ وتباسى مۇشەلەرىنىڭ قاۋىپسىزدىگىن قامتاماسىز ەتۋدىڭ ۇيىمداستىرىلۋى, كۇشتەرى, قۇرالدارى مەن ادىستەرى تۋرالى مالىمەتتەر, قازاقستان پرەزيدەنتىنىڭ دەنساۋلىق جاعدايى مەن جەكە ءومىرى تۋرالى مالىمەتتەر, قازاقستان رەسپۋبليكاسىنىڭ ەكس-پرەزيدەنتتەرىنىڭ جانە ولاردىڭ وتباسى مۇشەلەرى تۋرالى ۇقساس مالىمەتتەردى ەنگىزۋ بويىنشا تولىقتىرۋ ەنگىزىلەدى», — دەلىنگەن سەنات كوميتەتىنىڭ قورىتىندى قۇجاتىندا.
