Jańalyqtar
Eks-prezıdenttiń densaýlyǵy men jeke ómiri týraly aqparat endi memlekettik qupııa bolady
Foto: ashyq derekkóz
Nursultan Nazarbaevtyń densaýlyǵy men jeke ómiri týraly aqparat endi memlekettik qupııa bolady, dep jazdy qandastar.kz
Memlekettik qupııalar tizimi taǵy bir tarmaqpen keńeıtilmek. Endi elimizdiń eks-prezıdentteri jáne olardyń otbasy músheleriniń densaýlyǵy men jeke ómiri týraly málimetter memlekettik qupııa bolyp sanalady. Búgin senatorlar «Memlekettik qupııalar týraly» zańǵa tolyqtyrý engizip, ony Prezıdenttiń qaraýyna jiberdi.
«Memlekettik qupııalar týraly» zańǵa barlaýshylyq, qarsy barlaýshylyq, jedel-izdestirýshilik jáne ózge de qyzmetti memlekettik qupııalarǵa jatqyzýdan basqa, Qazaqstan prezıdentiniń jáne onyń otbasy músheleriniń qaýipsizdigin qamtamasyz etýdiń uıymdastyrylýy, kúshteri, quraldary men ádisteri týraly málimetter, Qazaqstan Prezıdentiniń densaýlyq jaǵdaıy men jeke ómiri týraly málimetter, Qazaqstan Respýblıkasynyń eks-prezıdentteriniń jáne olardyń otbasy músheleri týraly uqsas málimetterdi engizý boıynsha tolyqtyrý engiziledi», — delingen Senat komıtetiniń qorytyndy qujatynda.
