«Eks-prokýrormyn dep ses kórsetti»: Túrkistanda kólik qaqqan 13 jastaǵy balanyń ata-anasy ádildik suraıdy

Foto: https: kp.ru/expert

Túrkistan oblysynda jol apatynan jaraqat alǵan jasóspirimniń týystary ádildik izdeıdi. 13 jastaǵy Saıat Serikuly velosıpedimen kólikke soǵylyp, bes qabyrǵasy synǵan eken. Ata-anasy tergeý tym baıaý júrip jatyr deıdi. Bul týraly Stan.kz aqparat agenttigi 31-arnanyń Informbıýro jańalyqtar baǵdarlamasyna silteme jasap habarlaıdy.

Velosıped tizgindegen 13 jastaǵy Saıat Serikulyn bir aı buryn kólik qaǵyp ketken. Jol apatynan jetkinshektiń bes qabyrǵasy synyp, qazir ol qozǵala almaıdy. Onymen qoımaı balany qaǵyp ketken júrgizýshi ózin eks-prokýrormyn dep tanystyrǵan eken. Sondyqtan jábirlenýshi tarap is qysqartylyp, kináli adam jazasyz qala ma dep qorqady.

“Ol kisi “Men prokýror bolyp jumys istegenmin, eshnárseden qoryqpaımyn. Meniń adamdarym kóp” dedi. Men osy is qysqaryp kete me dep qorqamyn. Tergeýshiler balaǵa “velosıpedimniń tejegishi ustamaı, kele jatqan mashınaǵa soǵystyq” dep jazdyrǵan. Shynynda ondaı emes. О́ıtkeni onv byltyr ǵana alǵanbyz, jańa”, – dedi Saıat Serikulynyń anasy Jibek Bazarova.

Kópbalaly ananyń aıtýynsha, kóliktiń ıesi balańdy qaraýsyz qaldyrdyń dep anasyn kinálaǵan. Tipti Saıattyń ata-anasynan shyǵyndy ótep berýdi surapty.

Kólik júrgizýshi prokýratýrada jumys isteıtini týraly aqparatty jalǵan deıdi. Al velosıped tizgindegen jetkinshektiń týystarynan ótemaqy suraǵanyn rastaıdy.

“Men ony baryp qaqqan joqpyn. Kerisinshe olar maǵan kelip soǵysty. Maǵan 148 myń teńge aıyppul taǵaıyndap, 610-baptyń bir tarmaqtaryn aıtty. Men onymen kelispeımin dep prokýratýraǵa aryz jazdym”, – dedi túrkistandyq Nurlybek.

Polıııa «kólik quraldaryn basqaratyn adamdardyń jol júrisi nemese paıdalaný qaǵıdalaryn buzýy» baby boıynsha tergeý áli aıaqtalmaǵanyn jetkizdi. Alaıda densaýlyǵyna zaqym kelgen balanyń anasy bir aıdan beri sot saraptamasy shyqpaǵanyn aıtady. Sondyqtan Jibek Bazarova prokýratýraǵa aryzdanbaq.