ءبىلىمجاڭالىقتار
ەكس-سەناتور: مەكتەپ قۇرىلىسىن سالۋدى كاسىپكەرلەرگە بەرۋ كەرەك
فوتو: اشىق دەرەككوز
ەكس-سەناتور مۇرات باقتيار ۇلى Adal ADAM YouTube ارناسىنا بەرگەن سۇحباتىندا قازىرگى بيۋدجەت تاپشىلىعىنىڭ قورقىنىشتى جاعدايدا تۇرعانىن, ونى ىقشامداۋدى مەكتەپ قۇرىلىسىنان باستاۋ كەرەگىن ايتتى, دەپ جازادى qandastar.kz
ونىڭ ايتۋىنشا, قازىرگى بيۋدجەتتەگى جەتىسپەۋشىلىك ەكى ەسە ۇلعايعان.
«ۇكىمەت بيۋدجەتتى وڭتايلاندىرامىز دەيدى. ءبىزدىڭ مەملەكەتتىڭ جىلدىق قارجىسى 15 ترلن, ال, نەگىزگى قاجەتتىلىك 32 ترلن. تەڭگەگە جوسپارلانعان. ونى تەز ارادا ىقشامداماسا بولمايدى. سول ىقشامداۋدى مەكتەپ قۇرىلىسىنان باستاۋ كەرەك. قازىر مەملەكەت 8 ملرد-قا سالاتىن “جايلى مەكتەپ” قۇرىلىسىن كاسىپكەرگە بەرسەك, ول 3 ملرد-قا سالۋى مۇمكىن. مەنىڭ كوزىم بۇعان انىق جەتكەن. ال, ءبىلىم بەرۋ باعدارلاماسىن قاداعالاۋدى, مەملەكەتتىك ستاندارتقا نەگىزدەلۋىن ۇكىمەت قاتاڭ قاداعالاۋى كەرەك. ەۋروپادا, شەت مەملەكەتتەردە مەكتەپتەر مەملەكەتتىك نەمەسە جەكە دەپ بولىنبەيدى”, —دەدى مۇرات باقتيار ۇلى.
