Eks-senator:  Mektep qurylysyn salýdy kásipkerlerge berý kerek

Foto: ashyq derekkóz

Eks-senator Murat Baqtııaruly Adal ADAM YouTube arnasyna bergen suhbatynda qazirgi bıýdjet tapshylyǵynyń qorqynyshty jaǵdaıda turǵanyn, ony yqshamdaýdy mektep qurylysynan bastaý keregin aıtty, dep jazady qandastar.kz

Onyń aıtýynsha, qazirgi bıýdjettegi jetispeýshilik eki ese ulǵaıǵan.
«Úkimet bıýdjetti ońtaılandyramyz deıdi. Bizdiń memlekettiń jyldyq qarjysy 15 trln, al, negizgi qajettilik 32 trln. teńgege josparlanǵan. Ony tez arada yqshamdamasa bolmaıdy. Sol yqshamdaýdy mektep qurylysynan bastaý kerek. Qazir memleket 8 mlrd-qa salatyn “Jaıly mektep” qurylysyn kásipkerge bersek, ol 3 mlrd-qa salýy múmkin. Meniń kózim buǵan anyq jetken. Al, bilim berý baǵdarlamasyn qadaǵalaýdy, memlekettik standartqa negizdelýin úkimet qatań qadaǵalaýy kerek. Eýropada, shet memleketterde mektepter memlekettik nemese jeke dep bólinbeıdi”, —dedi Murat Baqtııaruly.