ەكس-شەنەۋنىك بولات ماجاعۇلوۆتىڭ سوتى باستالدى

فوتو: استانا اكىمدىگى

ەكس-شەنەۋنىكتىڭ ءىسى قىلمىستىق ىستەر جونىندەگى مامانداندىرىلعان اۋدانارالىق سوتتا قارالىپ جاتىر, دەپ جازدى  qandastar.kz

ماجاعۇلوۆ قىلمىستىق كودەكستىڭ 189-بابى 4-بولىگىنىڭ 2-تارماعى «سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ» بويىنشا كۇدىككە ءىلىندى. ءمادي قاناپين ونىڭ سىبايلاسى دەپ ايىپتالدى. ماجاعۇلوۆتىڭ قورعاۋشىسى بۇلتارتپاۋ شاراسىن وزگەرتۋدى سۇراعانىمەن, ءوتىنىشى قاناعاتتاندىرىلمادى.

ايىپتاۋ اكتىسى وقىلعاننان كەيىن ەكى كۇدىكتى دە كىنالارىن مويىندامادى. وسى جىلدىڭ قىركۇيەگىندە استانا قالالىق مادەنيەت باسقارماسىنىڭ بۇرىنعى باسشىسى مەن مەردىگەر 2016 جىلى «كۇن» سۋبۇرقاعىن سالۋ كەزىندە 1 ملرد تەڭگەدەن استام قاراجات جىمقىردى دەگەن كۇدىككە ءىلىندى. ءتيىستى نىساننىڭ اشىلۋى استانا كۇنىنە ورايلاستىرعانىمەن, 2017 جىلدان بەرى سۋبۇرقاق اپاتتى جاعدايدا تۇر.

atamekenbusiness_qaz تەرگەۋ بارىسىندا مادەنيەت باسقارماسى سۋبۇرقاق قۇرىلىسىن مەملەكەتتىك ساتىپ الۋ ءراسىمىنسىز جۇرگىزگەنى بەلگىلى بولدى. ماجاعۇلوۆتىڭ 3 كوممەرتسيالىق نىسانىنا, 2 اۆتوتۇراعىنا جانە پرەميۋم ساناتتاعى پاتەرىنە شەكتەۋ قويىلدى.