ەكس-ۆيتسە-ءمينيستردىڭ تاركىلەنگەن كولىگى اۋكتسيوندا ساتىلدى

فوتو: اشىق دەرەككوز

الماتى قالاسى بويىنشا مەملەكەتتىك م ۇلىك جانە جەكەشەلەندىرۋ دەپارتامەنتى ەكس يندۋستريا جانە ينفراقۇرىلىمدىق دامۋ ۆيتسە-ءمينيسترى تيمۋر توقتاباەۆتىڭ Bentley Bentayga V8 كولىگىن ساتۋعا شىعارعان. توقتاباەۆ بيلىكتى اسىرا پايدالاندى دەپ سوتتالعان بولاتىن, دەپ جازادى qandastar.kz

بۇعان دەيىن ەكس ۆيتسە-ءمينيستردىڭ 2021 Mercedes-Benz Maybach S 580 4 Matic قاۋىپسىزدىك كۇشتەرىنە بەرىلگەن. ماماندار كولىكتىڭ قۇنىن 79 839 000 تەڭگەگە باعالاعان. جارنامادا ونىڭ جاعدايى تۋرالى اقپارات از: «كولىكتىڭ جاعدايى قاناعاتتانارلىق, تيتان دوڭعالاقتارى, اككۋمۋلياتور, قوزعالتقىش بار, قوسالقى دوڭعالاق, اۆتوكولىك راديوسى مەن دوڭعالاق كىلتى جوق, دومكرات پەن شينالار بار, بامپەرلەر ءبۇتىن, كىلتى بار».

Bentley Bentayga V8 ەليتالىق كولىگىن دە باستاپقىدا كۇش قۇرىلىمدارىنىڭ بالانسىنا بەرۋ جوسپارلانعان. الايدا ول ساتىلىمنان ءبىر-اق شىقتى.

ناتيجەسىندە توقتاباەۆتىڭ بۇرىنعى تۇلپارى 54 ملن 711 مىڭ تەڭگەگە اۋكتسيوندا ءوتتى. ساتىپ الۋشى جەكە تۇلعا ەكەنى بەلگىلى.