ەكسپەريمەنت جالعاسادى: جاڭا ادامدار كەزەكتى پەدوفيلدى قۇرىققا ءتۇسىردى

فوتو: اشىق دەرەككوز

الماتىدا جاڭا ادامدار كەزەكتى پەدوفيلدى اشكەرەلەدى, دەپ جازدى qandastar.kz

جاڭا ادامدار جەلىدەگى پەدوفيلدەردى ىزدەۋ بويىنشا ەكسپەريمەنتتەرىن جالعاستىرادى. مۇنداي جاعدايلار ويلاعاننان دا كوپ بولىپ شىقتى.

ادەتتەگىدەي, ولار 12 جاسار قىزدىڭ اتىنان انكەتا اشىپ, ونى تانىمال الەۋمەتتىك جەلىلەردىڭ بىرىنە جۇكتەدى.

«كوپ ۇزاماي ءوزىن «ادىلەت» دەپ تانىستىرعان كەزەكتى ەر ادام 12 جاسار بالانىڭ پروفيلىنە قىزىعۋشىلىق تانىتتى. ول كىشكەنتاي قىزعا پورنوگرافيالىق مازمۇنداعى سۋرەتتەر مەن بەينەجازبالاردى جىبەرە باستادى. كەيىن «ادىلەت» اشىق تۇردە  قاتىناسقا ءتۇسۋدى ۇسىنىپ, قىزدان ءوزىن جالاڭاش تۇردە بەينەجازباعا ءتۇسىرۋىن سۇرادى. ءوز دەگەنىنە جەتە الماعان سوڭ, «ۆا-بانككە» بارىپ, قىزدى «كينو كورۋگە» شاقىردى. چيپسى مەن كولا ساتىپ الىپ, ول ءبىز كورسەتكەن مەكەنجايعا – بالانىڭ ۇيىنە كەلدى», — دەپ ءبولىستى بەلسەندىلەر.

الايدا كىشكەنتاي بالانىڭ ورنىنا ونى جاڭا ادامداردىڭ «124» ازاماتتىق ناۋقانى بەلسەندىلەرى قارسى الدى. ءوزىنىڭ ۇستالعانىن تۇسىنگەن ەر ادام قاشۋعا ارەكەتتەندى. ااتەردىڭ شىعا بەرىسىندە ونى «قارابەت ءدالىزى» كۇتىپ تۇردى. بەلسەندىلەر ونىڭ ءتۇرىن بەينەجازباعا ءتۇسىرىپ, مۇمكىندىگىنشە كوپ ادام ونىڭ كىم ەكەنىن ءبىلۋى ءۇشىن كادرلاردى جەلىگە جاريالادى.

جاڭا ادامدار قازاقستانداعى ءاربىر بالا قاۋىپسىزدىكتە بولمايىنشا توقتامايتىنىن ايتادى.
قازىر ءىس بويىنشا بارلىق ماتەريالدار, حابارلامالار مەن بايلانىستار قۇقىق قورعاۋ ورگاندارىنا بەرىلدى. پوليتسيا قىزمەتكەرلەرىنە بۇل ەكسپەريمەنتتىڭ وتكىزىلۋى تۋرالى الدىن الا ەسكەرتىلدى.