ەكسپو-نىڭ بۇرىنعى باسشىسى تالعات ەرمەگياەۆتىڭ ادۆوكاتتارى ءىستى قايتا قاراۋدى تالاپ ەتتى

فوتو: سپورت جانە دەنە شىنىقتىرۋ ىستەرى اگەنتتىگى

ادۆوكاتتار انارا قۇسايىنوۆا مەن قۋانىش تولەگەنەۆ «ەكسپو-2017» بۇرىنعى باسشىسى تالعات ەرمەگياەۆكە شىعارىلعان ۇكىم زاڭسىز دەپ سانايدى, دەپ جازدى qandastar.kz 

بۇل تۋرالى Stan.kz اقپارات اگەنتتىگى حابارلايدى.

قورعاۋشى تاراپتىڭ ايتۋىنشا, نەگىزگى كۋاگەردىڭ پسيحيكالىق اۋىتقۋشىلىعى بار جانە سىبايلاس جەمقورلىققا قارسى قىزمەت تاراپىنان قىسىمعا ۇشىراعان. ونىڭ ايعاقتارى ادۆوكاتتارسىز, ءتىپتى تۇندە دە بەرىلدى دەيدى.

«سىبايلاس جەمقورلىققا قارسى قىزمەت ەرمەگياەۆكە قارسى ايعاق الۋ ماقساتىندا تەرگەۋ جۇرگىزۋدىڭ رۇقسات ەتىلمەگەن ادىستەرىن قولدانىپ قانا قويماي, بىرنەشە اي بويى زاڭدى كۇشىنە ەنگەن سوت اكتىلەرىنىڭ ورىندالۋىنا كەدەرگى كەلتىردى», – دەدى ادۆوكات.

قورعاۋشىلاردىڭ ايتۋىنشا, ەرمەگياەۆكە پارا بەرۋ فاكتىسى بويىنشا قىلمىستىق ىستە تىكەلەي ايعاق جوق. ال سوت ورگاندارى سوتتا زەرتتەلمەگەن پسيحياتريالىق ساراپتامانىڭ قورىتىندىسىنا سىلتەمە جاساعان. ول ءتىپتى ىسكە قوسىلماعان ەكەن.

ەسكە سالايىق, بۇعان دەيىن تالعات ەرمەگياەۆ 2016 جىلدىڭ ماۋسىم ايىندا 14 جىلعا باس بوستاندىعىنان ايىرىلعان ەدى. ول قوماقتى كولەمدە پارا الدى دەپ ايىپتالعان. ەرمەگياۆتىڭ تۇرمە باسشىلارىنىڭ ارقاسىندا ەمىن-ەركىن شالقىپ ءومىر سۇرگەنى حابارلانعان-دى. سونداي-اق ونىڭ كولونيا ىشىندە ءجۇرىپ تاعى قانداي ءتارتىپ بۇزعانى انىقتالدى. «ەكسپو-2017» ۇلتتىق كومپانياسىنىڭ ەكس-توراعاسى, جەكە اسپازشى جالداپ, تەلەفون ۇستاپ قانا قويماي, رەسمي ايەلىمەن دە جانە ازاماتتىق نەكەدەگى جارىمەن دە ەمىن-ەركىن كورىسىپ تۇرعان. وعان قوسا سوتتالۋشىنىڭ زاتتاردى بولشەكتەپ قوراپتايتىن تسەحتىڭ ءىشىن جوندەتىپ, ونى ءوزىنىڭ جەكە پاتەرىنە اينالدىرعانى راستالدى.

«استانا ەكسپو-2017» ۇلتتىق كومپانياسىنىڭ بۇرىنعى باسشىسىنىڭ قورعاۋشىسى اللا كوتلوۆا تالعات ەرمەگياەۆتىڭ ءىسى سوتتان سۇراتىپ الىنىپ, تەكسەرۋگە جىبەرىلگەنىن مالىمدەگەن ەدى.