EKSPO-nyń burynǵy basshysy Talǵat Ermegııaevtiń advokattary isti qaıta qaraýdy talap etti

Foto: Sport jáne dene shynyqtyrý isteri agenttigi

Advokattar Anara Qusaıynova men Qýanysh Tólegenev «EKSPO-2017» burynǵy basshysy Talǵat Ermegııaevke shyǵarylǵan úkim zańsyz dep sanaıdy, dep jazdy qandastar.kz 

Bul týraly Stan.kz aqparat agenttigi habarlaıdy.

Qorǵaýshy taraptyń aıtýynsha, negizgi kýágerdiń psıhıkalyq aýytqýshylyǵy bar jáne sybaılas jemqorlyqqa qarsy qyzmet tarapynan qysymǵa ushyraǵan. Onyń aıǵaqtary advokattarsyz, tipti túnde de berildi deıdi.

«Sybaılas jemqorlyqqa qarsy qyzmet Ermegııaevke qarsy aıǵaq alý maqsatynda tergeý júrgizýdiń ruqsat etilmegen ádisterin qoldanyp qana qoımaı, birneshe aı boıy zańdy kúshine engen sot aktileriniń oryndalýyna kedergi keltirdi», – dedi advokat.

Qorǵaýshylardyń aıtýynsha, Ermegııaevke para berý faktisi boıynsha qylmystyq iste tikeleı aıǵaq joq. Al sot organdary sotta zerttelmegen psıhıatrııalyq saraptamanyń qorytyndysyna silteme jasaǵan. Ol tipti iske qosylmaǵan eken.

Eske salaıyq, buǵan deıin Talǵat Ermegııaev 2016 jyldyń maýsym aıynda 14 jylǵa bas bostandyǵynan aıyrylǵan edi. Ol qomaqty kólemde para aldy dep aıyptalǵan. Ermegııavtiń túrme basshylarynyń arqasynda emin-erkin shalqyp ómir súrgeni habarlanǵan-dy. Sondaı-aq onyń kolonııa ishinde júrip taǵy qandaı tártip buzǵany anyqtaldy. «Ekspo-2017» ulttyq kompanııasynyń eks-tóraǵasy, jeke aspazshy jaldap, telefon ustap qana qoımaı, resmı áıelimen de jáne azamattyq nekedegi jarymen de emin-erkin kórisip turǵan. Oǵan qosa sottalýshynyń zattardy bólshektep qoraptaıtyn ehtyń ishin jóndetip, ony óziniń jeke páterine aınaldyrǵany rastaldy.

«Astana EKSPO-2017» ulttyq kompanııasynyń burynǵy basshysynyń qorǵaýshysy Alla Kotlova Talǵat Ermegııaevtiń isi sottan suratyp alynyp, tekserýge jiberilgenin málimdegen edi.