«ەل ارنا» مەن «حابار» تەلەارنالارى بىرىكتىرىلدى

ونىڭ ايتۋىنشا, «ەل ارنا» مەن «حابار» تەلەارنالارىن بىرىكتىرۋ تۋرالى ستراتەگيالىق شەشىمدى قازاقستان رەسپۋبليكاسىنىڭ مادەنيەت جانە اقپارات مينيسترلىگى «وتاندىق مەديا كەڭىستىگىندەگى قارقىندى وزگەرىستەردى ەسكەرە وتىرىپ جانە مەملەكەتتىك رەسۋرستاردى وڭتايلاندىرۋ ماقساتىندا» قابىلداعان.

«Eل ارنا» جانە «حابار» تەلەارنالارىن بىرىكتىرۋ 2025 جىلدىڭ 1 مامىرىنا دەيىن اياقتالادى. «Eل ارنا»-نىڭ بارلىق قۇندى كونتەنتى «حابار» ارناسىنىڭ ەفيرىنە وتەدى. بۇل ۇزدىك جوبالاردىڭ ساقتالۋىنا, ولاردى كەڭ اۋديتورياعا قولجەتىمدى ەتۋگە جانە ودان ءارى دامىتۋعا مۇمكىندىك بەرەدى.

«Eل ارنا» تەلەارناسى وتاندىق كوركەم جانە دەرەكتى فيلمدەر, سەريالدار, سونداي-اق مادەني-اعارتۋشىلىق باعدارلامالار كورسەتىلەتىن پلاتفورما رەتىندە ماڭىزدى ميسسيا اتقاردى. ءبىز بۇل ارنانىڭ ۇلتتىق كينەماتوگرافيا مەن تەلەۆيزيانىڭ دامۋىنا قوسقان ۇلەسىن جوعارى باعالايمىز.ايدا بالاەۆا

Zakon.kz جازعانداي,  مادەنيەت جانە اقپارات مينيسترلىگى «Eل ارنا» تەلەارناسىنىڭ ۇجىمىنا كوپجىلدىق ەڭبەكتەرى, كاسىبيلىك پەن وتاندىق مەديا كەڭىستىكتى دامىتۋعا قوسقان ۇلەستەرى ءۇشىن شىنايى العىس بىلدىرەدى. قايتا ۇيىمداستىرۋ پروتسەسى بارىسىندا بارلىق قىزمەتكەرلەر «حابار» اگەنتتىگىنە جۇمىسقا ورنالاستىرىلادى. جالاقى دەڭگەيى ساقتالىپ, ولاردىڭ تاجىريبەسى مەن ءبىلىمى جاڭا جوبالاردا سۇرانىسقا يە بولادى.

«Eل ارنا» تەلەارناسىنىڭ باعدارلامالارىن ءوندىرۋ جانە تاراتۋعا بولىنگەن قارجى «24KZ» جانە «حابار» سياقتى ستراتەگيالىق ماڭىزدى تەلەارنالاردىڭ كونتەنتىن كۇشەيتۋگە جانە تەحنيكالىق بازاسىن ۋاقتىلى جاڭارتۋعا قايتا بولىنەدى.