Jańalyqtar
«El arna» men «Habar» telearnalary biriktirildi
Onyń aıtýynsha, «El arna» men «Habar» telearnalaryn biriktirý týraly strategııalyq sheshimdi Qazaqstan Respýblıkasynyń Mádenıet jáne aqparat mınıstrligi «otandyq medıa keńistigindegi qarqyndy ózgeristerdi eskere otyryp jáne memlekettik resýrstardy ońtaılandyrý maqsatynda» qabyldaǵan.
Otandyq medıakeńistiktegi qarqyndy ózgeristerdi eskere otyryp jáne memlekettik resýrstardy ońtaılandyrý úshin «El arna» jáne «Habar» telearnalaryn biriktirý týraly strategııalyq sheshim qabyldandy. Bul qadam, eń aldymen, otandyq telekompanııalardyń jumys tıimdiligin arttyrýǵa jáne qazaqstandyq kontent aýdıtorııasyn keńeıtýge baǵyttalǵan.
«El arna» jáne «Habar» telearnalaryn biriktirý 2025 jyldyń 1 mamyryna deıin aıaqtalady. «El arna»-nyń barlyq qundy kontenti «Habar» arnasynyń efırine ótedi. Bul úzdik jobalardyń saqtalýyna, olardy keń aýdıtorııaǵa qoljetimdi etýge jáne odan ári damytýǵa múmkindik beredi.
«El arna» telearnasy otandyq kórkem jáne derekti fılmder, serıaldar, sondaı-aq mádenı-aǵartýshylyq baǵdarlamalar kórsetiletin platforma retinde mańyzdy mıssııa atqardy. Biz bul arnanyń ulttyq kınematografııa men televızııanyń damýyna qosqan úlesin joǵary baǵalaımyz.Aıda Balaeva
Zakon.kz jazǵandaı, Mádenıet jáne aqparat mınıstrligi «El arna» telearnasynyń ujymyna kópjyldyq eńbekteri, kásibılik pen otandyq medıa keńistikti damytýǵa qosqan úlesteri úshin shynaıy alǵys bildiredi. Qaıta uıymdastyrý proesi barysynda barlyq qyzmetkerler «Habar» agenttigine jumysqa ornalastyrylady. Jalaqy deńgeıi saqtalyp, olardyń tájirıbesi men bilimi jańa jobalarda suranysqa ıe bolady.
«El arna» telearnasynyń baǵdarlamalaryn óndirý jáne taratýǵa bólingen qarjy «24KZ» jáne «Habar» sııaqty strategııalyq mańyzdy telearnalardyń kontentin kúsheıtýge jáne tehnıkalyq bazasyn ýaqtyly jańartýǵa qaıta bólinedi.
