ەل بويىنشا 40 مىڭعا جۋىق ءۇيدىڭ تۇرعىنىنا جاڭا باسپانا كەرەك

ۇلتتىق سپورت ۋنيۆەرسيتەتىنىڭ قۇرىلىسى كەلەسى جىلى اياقتالۋى ءتيىس. بيىل ۋنيۆەرسيتەتتىڭ سپورت عيماراتتارىن تۇرعىزۋ كوزدەلگەن. كەلەسى جىلى اكىمشىلىك كورپۋسى, ءدارىس زالدارى سىندى نىساندارى بوي كوتەرەدى.

تولىعىراق الداعى ۋاقىتتا باياندايىن. ۇلتتىق سپورت ۋنيۆەرسيتەتى سالىنىپ جاتىر ۋنيۆەرسيتەت جانىندا كوللەدج جۇمىس ىستەيدى دەگەن جوسپار بار. جوعارى وقۋ ورنىندا 2 مىڭنان استام ستۋدەنت ءبىلىم السا, كوللەدج 500-دەن اسا ادامدى قابىلدايدى. سونىمەن قاتار, ءبىلىم ورداسىندا ماگيسترانتتار مەن دوكتورانتتاردى دا وقىتادى. جاڭا نىسان جوعارى جەتىستىكتەر سپورتىنا قاجەت مامانداردى وزىمىزدە دايىنداۋعا كەڭىنەن جول اشادى.

ءبىلىم ورداسىندا جاتتىقتىرۋشىلار, مەنەدجەرلەر, پسيحولوگتار مەن عىلىمي قىزمەتكەرلەر دايارلانادى. ال سپورت عيماراتتارىندا ۇلتتىق كوماندالاردىڭ مۇشەلەرى كوركەم گيمناستيكا, بوكس, تاەكۆوندو, دزيۋدو, ەسكەك ەسۋ, جەڭىل اتلەتيكا سەكىلدى سپورت تۇرلەرى بويىنشا الاڭسىز جاتتىعا الادى.

«جوبا وتە اۋقىمدى جانە ونى جۇزەگە اسىرۋ بارلىق كەزەڭدەرىندە ۇيلەسىمدى جۇمىستى جانە جاۋاپتى تاراپتاردىڭ ءوزارا بەلسەندى ءىس-قيمىلىن تالاپ ەتەدى. مەملەكەت باسشىسى الماتى وبلىسىنا ساپارى كەزىندە قازاقستان سپورت كوشباسشىسى بولۋى ءتيىس ەكەنىن اتاپ ءوتتى. ۇلتتىق سپورت ۋنيۆەرسيتەتىنىڭ قۇرىلىسى وليمپيادالىق سپورت تۇرلەرىن دامىتۋدا جانە حالىقارالىق دەڭگەيدەگى سپورت رەزەرۆىن قالىپتاستىرۋدا ماڭىزدى قادام». ەرمەك مارجىقپاەۆ, قر تۋريزم جانە سپورت ءمينيسترى: — ۋنيۆەرسيتەتتە كوپفۋنكتسيونالدى سپورت كەشەنى, ستاديون, باسسەين جانە جەڭىل اتلەتيكا مانەجى بولادى. بۇل نىساندار قۇرىلىسىن بيىل اياقتاۋ كوزدەلگەن. ال قۇرىلىستىڭ ەكىنشى كەزەڭىندە ءدارىس زالدارى, عىلىمي-زەرتتەۋ ورتالىعى بار كىتاپحانا, اسحانا, وقىتۋشىلارعا ارنالعان تۇرعىن ءۇي جانە مەديتسينالىق-وڭالتۋ ورتالىعى تۇرعىزىلادى. ستۋدەنتتەر ءۇشىن 500 ورىندىق جاتاقحانا سالىنادى. جالپى بىلتىر ەلدەگى سپورت نىساندارى تەكسەرىلدى.

قورىتىندىسىندا ءار وڭىردە جۇمىس ىستەپ تۇرعان عيماراتتاردىڭ ورتا ەسەپپەن 20 پايىزى تالاپقا ساي ەمەستىگى انىقتالدى. قاي جەرگە قانداي نىساندار كەرەكتىگى بەلگىلى بولدى. وسىلايشا, كەلەسى جىلدان باستاپ «مودۋلدىك ۇلگىدەگى 100 سپورت نىسانى» جوباسىن ىسكە قوسۋ جوسپارلانىپ وتىر. الداعى ەكى جىلدا ەل كولەمىندە 113 جاڭا سپورت نىسانى سالىنادى. قولدانىستاعى 26 نىسان قايتا جاڭارتىلادى.