جاڭالىقتار
ەل وڭىرلەرىندە سۋ تاسقىنىنا قارسى بەلسەندى ءىس-شارالار جالعاسۋدا
اۋا تەمپەراتۋراسىنىڭ كۇرت جىلىنۋى جانە قاردىڭ تەز ەرۋىنە بايلانىستى ەلىمىزدىڭ جەكەلەگەن وڭىرلەرىندە سۋ تاسقىنى جاعدايى كۇردەلەنە ءتۇستى.
بۇگىنگى تاڭدا ەڭ كۇردەلى جاعداي اقتوبە جانە قوستاناي وبلىستارىندا ورىن الدى. قالىپتاسقان سۋ تاسقىنى جاعدايىنا بايلانىستى ەلىمىزدە تجم مەن وڭىرلەردە جەدەل شتابتاردىڭ جۇمىس ىستەۋدە. جەدەل جەلى تەلەفونى ىسكە قوسىلدى: : تجم 8 717 2 70 41 14, اقتوبە وبلىسى تجد 8 713 2 54 86 57, باتىس قازاقستان وبلىسى تجد 8 711 2 55 40 88.
11 وڭىردە اكىمدىكتەر مەن تجد وكىلدەرىنىڭ كەزەكشىلىگى ۇيىمداستىرىلدى. سۋ ايدىندارى مەن سۋ تاسقىنى جاعدايىنا مونيتورينگ جۇرگىزۋ بويىنشا جۇمىستار جالعاسۋدا.
ەرىگەن قار سۋىمەن كۇرەسۋ ءۇشىن اقتوبە جانە قوستاناي وبلىستارىنا ماڭعىستاۋ, قىزىلوردا وبلىستارى مەن 52859, 20982 اسكەري بولىمدەرىنەن 220-عا جۋىق جەكە قۇرام مەن 25-تەن استام تەحنيكادان قوسىمشا كۇشتەر مەن قۇرالدار جىبەرىلدى.
اۆاريالىق-قۇتقارۋ جۇمىستارىنا بارلىعى 1,5 مىڭعا جۋىق ادام, 500-دەن استام تەحنيكا, 200-گە جۋىق بىرلىك سۋ ايداۋ جانە ءجۇزۋ قۇرالى جۇمىلدىرىلدى.
تجم مەن اكىمدىكتەردىڭ جۇمىلدىرىلعان كۇشتەرى مەن قۇرالدارى 320 مىڭنان استام تەكشە مەتر سۋ سورىلدى, ينتەرەنتتى ماتەريالدار سالىنعان 7 مىڭنان استام قاپ توسەلدى. ەڭ قاۋىپتى ۋچاسكەلەردە نىعايتۋ جۇمىستارى جۇرگىزىلۋدە.
اقتوبە وبلىسىنداعى شۇبارقۇدىق اۋىلىندا سۋ باسقان 5 جەكە تۇرعىن ۇيدەن, 34 اۋلا اۋماعىنان سۋدى سورىپ شىعارۋ جۇمىستارى جالعاسۋدا. جالپى وبلىس بويىنشا سۋ باسقان ۇيلەر مەن اۋلا اۋماقتارىنان 51 مىڭنان استام تەكشە مەتر ەرىگەن قار سۋى سورىلدى, ينەرتتى ماتەريالدار سالىنعان 7,9 مىڭنان استام قاپ توسەلدى. 543 تەكشە مەتر قار شىعارىلدى.
قوستاناي وبلىسىنىڭ قوستاناي, ارقالىق قالالارىندا, امانگەلدى جانە جانگەلدى اۋداندارىندا ەرىگەن قار سۋىن سورۋ جۇمىستارى جۇرگىزىلۋدە. ارقالىق قالاسىندا 20 اۋلا اۋماعى, ونىڭ ىشىندە 12 جەكە تۇرعىن ءۇي سۋ استىندا قالدى. ۇزدىكسىز جۇرگىزىلگەن سۋ سورۋ جۇمىستارىنىڭ ناتيجەسىندە ارقالىق قالاسىنىڭ تۇرعىن ۇيلەرىنەن سۋ تولىعىمەن شىعارىلدى. بارلىعى 6848 تەكشە مەتر سۋ سورىلدى. ەلدى مەكەندەردى سۋ باسۋ قاۋپى جوق. قازىرگى ۋاقىتتا جاعداي تۇراقتى.
سۋ تاسقىنىنا قارسى ءىس-شارالار جالعاسۋدا.
