EL TIREGI — JASTAR

Memlekettik qyzmettiń tartymdylyǵyn arttyryp, mamandarǵa bıznespen básekege túse alatyn mardymdy eńbekaqy taǵaıyndaý. Buǵan qosa, qyzmetti ońtaılandyrýda IT sheshimderge basymdyq berý. Búgin Prezıdenttik jastar kadrlyq rezerviniń forýmyna qatysqan Memleket basshysy osyndaı mindetter júktedi. Jıynda Qasym-Jomart Toqaev áli tyıylmaı otyrǵan «komandamen kóshý» úrdisin synǵa alyp, qaǵazbastylyqqa úzildi-kesildi tosqaýyl qoıatyn ýaqyt jetkenin aıtty. Rıat Shonı, tilshi: — Bul Júzden júırik myńnan tulpar shyqqan jastar. Prezıdenttik jastar kadrlyq rezerviniń músheleri. Qazir bul rezervte san salanyń jiligin shaǵyp maıyn ishken 400 bilikti maman bar. Sonyń 70 paıyzy búginde ortalyq organdarda jaýapty laýazymdarda qyzmet atqaryp keledi. Al jýyrda elde aımaqtyń deńgeıde kadrlyq rezervke irikteý bastalady. Bir sózben aıtqanda elde memlekettik apparattyń jańa býyny jasaqtalýda. Prezıdenttik jastar kadrlyq rezervi ókilderiniń biri – Oljas Beısenbaev. 2021 jyly irikteýden irkilmeı ótken jastardyń qatarynda. Qazir qazaqstandyq qoǵamdyq damý ınstıtýty basqarma tóraǵasynyń orynbasary. Bilimdi maman, bilikti menedjer. Oljas Beısenbaev, Prezıdenttik jastar kadrlyq rezerviniń múshesi: — Men osy ınstıtýtta analıtık menedjer dárijesinen bólim basshysyna, odan keıin basqarma tóraǵasynyń orynbasary laýazymyna deıin kóterildim. Árıne, bul tek qana rezervtiń múshesi boldyń eken, endi kóterilesiń degen sóz emes. Barlyq satyda ózimizdiń biliktiligimizdi dáleldep, zertteý nátıjeleri arqyly jetýge tyrystyq. Prezıdenttik jastar kadrlyq rezervine úshinshi kezeń qorytyndysy boıynsha 50 maman iriktelip alyndy. Barlyǵy da san salada jumys istep, shyńdalyp jatyr. Biri aıtı mamany, biri ınjener. Qarjyger de osynda. Al Shyńǵys Seıdálıev salyq salasynda eńbek etedi. Oqyǵany da, túıgeni de kóp. Jas kelse iske degendi ustanady. Shyńǵys aldaǵy ýaqytta el múddesi úshin aıanbaı ter tógýge daıynmyn dep otyr. Shyńǵys Seıdálıev, Prezıdenttik jastar kadrlyq rezerviniń múshesi: — Rezervke barar aldynda oıym bolǵan osy memleketke qyzmet etip, úlesimdi qosyp. Árıne, qazir men kvazımemlekettik sektorda jumys istep, úlesimdi qosyp jatyrmyn. Biraq endi tikeleı osy memlekettik sektorda jumys istep, jastar retinde memleket úshin, ulttyq múddeni qorǵap, sol úshin jumys isteýge talpynys bar. Jalyndap turǵan 400 jas maman. Olarǵa artylǵan júk aýyr. Memlekettik qyzmetshilerdiń deńgeıin kóterý, solarǵa tán jańa mádenıetti qalyptastyrý. Bir sózben aıtqanda qundylyqtardy ózgertý kerek. Másele mansap emes, elge qyzmet etý. Búgin jastar aldynda sóz sóılegen Prezıdent osylaı dedi. Qasym-Jomart Toqaev, Qazaqstan Respýblıkasynyń Prezıdenti: — Zań men tártip ornamasa, qazirgideı kúrdeli geosaıası jaǵdaıda elimizdi saqtap qalý qıyn bolady. Muny bári túsingeni jón. Tek memlekettik qyzmetshiler ǵana emes, jalpy qoǵam zańǵa baǵynýǵa tıis. Bul demokratııa shekteledi degen sóz emes, kerisinshe, elimizdiń egemendigin nyǵaıtyp, demokratııany damyta túsedi. Jasyratyny joq búginde memlekettik qyzmettiń jumysy aýyr bolǵanymen, jalaqysy mardymsyz. Saldarynan bilikti kadrlar jeke sektorda nápaqa tapqandy jón kóredi. Osy rette Prezıdent Memlekettik qyzmettiń gıbrıdti modelin engizýdi jalǵastyrý kerektigin aıtty. Ol úshin jeke sektordan bilikti mamandardy qabyldaý erejesin jeńil etip jasaý máselesin muqııat pysyqtaý qajet. Al qyzmettiń tartymdylyǵyn arttyrý úshin bıznespen básekelese alatyn mardymdy eńbekaqy belgileý kerek — dedi, Prezıdent. Qasym-Jomart Toqaev, Qazaqstan Respýblıkasynyń Prezıdenti: — Árıne jalaqy men syıaqyny shekten tys kóp berýge bolmaıdy. Biraq tańerteńnen keshke deıin, ýaqytpen sanaspaı jumys isteıtin memlekettik qyzmetkerlerge belgili bir deńgeıde materıaldyq ótemaqy tólenýi kerek dep sanaımyn. Másele – óte ózekti. Biz muny memlekettik qyzmetshilerdiń paıdasyna sheshemiz. Olardyń baspana máselesin de tıisti deńgeıde sheshý kerek. Bul boıynsha Sıngapýr jáne basqa da elderdiń tájirıbesine nazar aýdarǵan jón. Olardyń memlekettik basqarý júıesindegi tıimdi ádis-tásilderdi qarastyrý qajet. Nazar aýdarar taǵy bir másele – ol genderlik teńdikti saqtaý jaıy. Búginde memlekettik apparattaǵy áıelderdiń úlesi 55 paıyzǵa jýyqtaıdy. Degenmen, basshylyq quramda olardyń qatary 40 paıyzǵa da jetpeıdi. Osy rette Prezıdent memlekettik qyzmettegi óziniń jarty ǵasyrlyq tájirıbesimen bólisti. Aıtýynsha, «áıelder jumysqa óte muqııat, tııanaqty qaraıdy. Er adamdarmen salystyrǵanda, jemqorlyq áreketterge beıim emes. Statıstıkasy da soǵan meńzeıdi», — dedi Prezıdent. Qasym-Jomart Toqaev, Qazaqstan Respýblıkasynyń Prezıdenti: — Saıası qyzmetkerler arasynda da eleýli teńsizdik baıqalady. Olardyń qataryndaǵy áıelderdiń sany 10 paıyzǵa jetpeıdi. Memlekettik qyzmettegi jastardyń úlesine qatysty da dısproporııa bar. Memlekettik qyzmettegi áıelderdiń, jastardyń jáne múmkindigi shekteýli azamattardyń sanyn kóbeıtý kerek. Olardyń, ásirese, basshylyq quramda qyzmet etýine barynsha múmkindik bergen jón. Memlekettik qyzmette jyldar boıy qordalanǵan ózekti másele bar. Ol – bıýrokratııa. Prezıdent qaǵazbastylyqqa úzildi-kesildi tosqaýyl qoıatyn ýaqyt jetkenin aıtty. Taǵy «komandamen kóshý» úrdisi áli tyıylmaı otyrǵanyn synǵa aldy. Iaǵnı, ákim nemese mınıstr aýyssa, óz adamdaryn orynbasary etip taǵaıyndap qoıady. Sondyqtan Qasym-Jomart Toqaev Prezıdent Ákimshiligine, Memlekettik qyzmet isteri jónindegi agenttikke bul máseleni qatań baqylaýǵa alýdy jáne mundaı áreketterge batyl tosqaýyl qoıýdy tapsyrdy. Qasym-Jomart Toqaev, Qazaqstan Respýblıkasynyń Prezıdenti: — Jalpy, Memlekettik qyzmet isteri jónindegi agenttikke zań júzinde qosymsha quzyret berý qajet dep sanaımyn. Olar elimizdegi kadr saıasatyna konstrýktıvti turǵydan yqpal ete alýǵa tıis. Árıne, bul Agenttik basshylyǵyna aıryqsha jaýapkershilik júkteıdi. Memlekettik qyzmet júıesin ońtaılandyrýda IT-sheshimder kómekke kele alady. Prezıdent te osy ıfrlandyrý baǵytyna kóp kóńil bólýdi talap etip otyr. Iaǵnı, zamanaýı tehnologııalar arqyly halyqpen etene baılanys ornatýdyń joldaryn jaqsartý kerek. Forýmda Memleket basshysyna «E-qyzmet» aqparattyq júıesiniń artyqshylyqtary, bıýdjetti basqarýdy ońtaılandyrýǵa baǵyttalǵan «eAkimat365» ıfrlyq platformasynyń erekshelikteri tanystyryldy. Bul júıeler Prezıdenttik jastar kadrlyq rezerviniń qataryna ár jyldary ótken mamandardyń jetekshiligimen júzege asyrylyp jatqan jobalar. Al mashınalyq oqytý júıesin ázirleýshi Álibek Saılanbaev bolsa, jasandy ıntellektiń múmkinshiligin Prezıdentke pash etti. Mine, el erteńi osy bilimdi jastardyń qolynda. Sondyqtan Memleket basshysy kadrlyq rezervke ótken mamandarǵa zor jaýapkershilik júkteletinin atap ótti. «Olardyń negizgi maqsaty memleket múddesin qorǵaý bolmaq», – dedi Prezıdent. Qasym-Jomart Toqaev, Qazaqstan Respýblıkasynyń Prezıdenti: — Sizder ómirdiń bazaryna endi kelgen, al biz qaıtyp bara jatqan adamdarmyz. Bul – qalypty dúnıe. Ýaqyty kelgende, sizderge jol beremiz. Biz zeınetke shyǵamyz, ornymyzǵa sizderdeı jalyndy jastar keledi. Biraq sizder týǵan elge, Otanǵa qyzmet etýge daıyn bolýlaryńyz qajet. О́ıtkeni kúrdeli zamanǵa tap kelip turmyz. Kóptegen qıyndyqtardy bastan ótkerip jatyrmyz. Prezıdent jýyrda Úkimettiń keńeıtilgen otyrysynda jańa ekonomıkalyq saıasatty júzege asyrýǵa arnalǵan naqty sharalardy ataǵan bolatyn. Endi qazir alda óte aýqymdy mindetter tur. Olardy júzege asyrýda osy jastar da óz úlesin qosýy tıis. Sondyqtan da sóz sońynda Prezıdent jastarǵa zor úmit artatyndyǵyn aıtty.