Elbasy Pýtın men Zelenskııdi Qazaqstanda kezdesýge shaqyrdy

Reseı men Ýkraınanyń arasyndaǵy jaǵdaı qynjyltatyny jasyryn emes. Olar bir-birine óte týys elder. Amal joq, bolary bolyp, boıaýy sińdi. Bul másele ishki jáne syrtqy kúshter aralasyp ketti. Eki eldiń arasyndaǵy qarym-qatynas qatty alshaqtaǵany barshaǵa málim. Ýkraına men Reseıdi óte jaqsy bilemin. Alǵashqy kúnderden bastap-aq eki eldi tatýlastyrýǵa tyrysyp kelemin, – dedi Nursultan Nazarbaev.

Ol jaqynda Ýkraına prezıdenti Vladımır Zelenskıımen kezdeskenin, al keshe Reseı Federaııasynyń prezıdenti Vladımır Pýtınmen telefon arqyly sóıleskenin aıtty.

Vladımır Pýtınmen sóıleskenimde, bul máseleni qalaı sheshýge bolatynyn talqyladyq. Ýkraına Eýropa elderi men AQSh-qa appelıaııamen shyqqan. Budan ári jaǵdaıdy ýshyqtyra bermeý úshin eki el prezıdentterin jeke kezdestirý kerek. Sol kezde  ǵana kelisýge bolady. Áıtpese, qıyn. Dál qazir sáti kelip tur dep sanaımyn. Zelenskıı bıyl saılaýda halyqtyń qoldaýyna ıe boldy. Joǵary radaǵa da Zelenskıı jaqtastary ótti. Bul máseleni sheshý onyń qolynan keledi. Eki jaq daıyn bolsa, kezdestirý uıymdastyryp, bul máseleni alǵa jyljytý kerek, – dedi Elbasy.