ەلباسىنىڭ توراعالىعىمەن «Nur Otan» پارتياسى ساياسي كەڭەسىنىڭ وتىرىسى باستالدى

ەلوردادا قر تۇڭعىش پرەزيدەنتى – ەلباسى نۇرسۇلتان نازارباەۆتىڭ توراعالىعىمەن «Nur Otan» پارتياسى ساياسي كەڭەسىنىڭ كەڭەيتىلگەن وتىرىسى باستالدى, دەپ حابارلايدى قازاقپارات ءتىلشىسى. وتىرىسقا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ, قر پرەمەر-ءمينيسترى اسقار مامين قاتىسىپ وتىر. ەستەرىڭىزگە سالا كەتسەك, 16 تامىزدا «Nur Otan» پارتياسىنىڭ ليدەرى نۇرسۇلتان نازارباەۆ 21 تامىز كۇنى ۇكىمەتتىڭ, پارتيانىڭ پارلامەنت ماجىلىسىندەگى فراكتسياسىنىڭ جانە ءوڭىر باسشىلارىنىڭ قاتىسۋىمەن وتەتىن پارتيانىڭ ساياسي كەڭەسىنىڭ كەڭەيتىلگەن وتىرىسىن شاقىرۋ تۋرالى قاۋلىعا قول قويعان بولاتىن. سول كۇنى قازاقستاننىڭ تۇڭعىش پرەزيدەنتى نۇرسۇلتان نازارباەۆ «Nur Otan» پارتياسىنىڭ ساياسي كەڭەسى بيۋروسىنىڭ وتىرىسىن وتكىزىپ, پارتيالاستارىنىڭ الدىندا قانداي مىندەتتەر تۇرعانىن اتاعان ەدى. وتىرىس بارىسىندا پارتيا باعدارلامالارىنىڭ ورىندالۋ بارىسى مەن الداعى كەزەڭگە ارنالعان جۇمىستىڭ باسىم باعىتتارى قارالدى. ەلباسى بارلىق ازاماتتاردى مەملەكەتتىڭ وتكىر الەۋمەتتىك-ەكونوميكالىق پروبلەمالارىن شەشۋ ءۇشىن پارتياعا قوسىلۋعا شاقىردى. ەل ايماقتارىنداعى ازاماتتاردىڭ پروبلەمالارىن شەشۋدە «Nur Otan» پارتياسىنىڭ جۇمىسىن جانداندىرۋ قاجەتتىگىن اتاپ ءوتتى. سونىمەن قاتار, «Nur Otan» پارتياسىنىڭ توراعاسى قوعامنىڭ پارتياعا سەنىمىن ارتتىرۋ ماقساتىندا اقپاراتتىق-يدەولوگيالىق ستراتەگيانى قابىلداۋدىڭ ماڭىزدىلىعىنا نازار اۋداردى.

دەرەككوز: https://www.inform.kz/kz/elbasynyn-toragalygymen-nur-otan-partiyasy-sayasi-kenesinin-otyrysy-bastaldy_a3558300