Elbasynyń tóraǵalyǵymen «Nur Otan» partııasy Saıası keńesiniń otyrysy bastaldy

Elordada QR Tuńǵysh Prezıdenti – Elbasy Nursultan Nazarbaevtyń tóraǵalyǵymen «Nur Otan» partııasy Saıası keńesiniń keńeıtilgen otyrysy bastaldy, dep habarlaıdy QazAqparat tilshisi. Otyrysqa Qazaqstan Respýblıkasynyń Prezıdenti Qasym-Jomart Toqaev, QR Premer-Mınıstri Asqar Mamın qatysyp otyr. Esterińizge sala ketsek, 16 tamyzda «Nur Otan» partııasynyń lıderi Nursultan Nazarbaev 21 tamyz kúni Úkimettiń, partııanyń Parlament Májilisindegi frakııasynyń jáne óńir basshylarynyń qatysýymen ótetin partııanyń Saıası keńesiniń keńeıtilgen otyrysyn shaqyrý týraly qaýlyǵa qol qoıǵan bolatyn. Sol kúni Qazaqstannyń Tuńǵysh Prezıdenti Nursultan Nazarbaev «Nur Otan» partııasynyń Saıası keńesi Bıýrosynyń otyrysyn ótkizip, partııalastarynyń aldynda qandaı mindetter turǵanyn ataǵan edi. Otyrys barysynda partııa baǵdarlamalarynyń oryndalý barysy men aldaǵy kezeńge arnalǵan jumystyń basym baǵyttary qaraldy. Elbasy barlyq azamattardy memlekettiń ótkir áleýmettik-ekonomıkalyq problemalaryn sheshý úshin partııaǵa qosylýǵa shaqyrdy. El aımaqtaryndaǵy azamattardyń problemalaryn sheshýde «Nur Otan» partııasynyń jumysyn jandandyrý qajettigin atap ótti. Sonymen qatar, «Nur Otan» partııasynyń tóraǵasy Qoǵamnyń partııaǵa senimin arttyrý maqsatynda aqparattyq-ıdeologııalyq strategııany qabyldaýdyń mańyzdylyǵyna nazar aýdardy.

Derekkóz: https://www.inform.kz/kz/elbasynyn-toragalygymen-nur-otan-partiyasy-sayasi-kenesinin-otyrysy-bastaldy_a3558300