جاڭالىقتار
ەلدە العاشقى اەس قۇرىلىسى رەسمي تۇردە باستالدى
بالقاش جاعاسىنداعى ۇلكەن اۋىلىندا ەلىمىزدىڭ العاشقى اتوم ەلەكتر ستانتسياسىنىڭ قۇرىلىسىنا دايىندىق باستالدى, دەپ حابارلايدى Qandastar.kz
بۇگىن مۇندا «روساتوم» وكىلدەرى, قر اتوم ەنەرگياسى اگەنتتىگى مەن ەنەرگەتيكا كومپانيالارىنىڭ باسشىلارى جينالىپ, ءىرى جوبانىڭ رەسمي باستالاتىنىن مالىمدەدى.
اەس-ءتىڭ ماكەتى كوپشىلىككە العاش رەت تانىستىرىلدى. جوسپار بويىنشا ستانتسيا بالقاش ماڭىندا سالىنىپ, ەلىمىزدىڭ ەنەرگەتيكالىق قاۋىپسىزدىگىن كۇشەيتۋگە باعىتتالادى.
بۇل جوبا قازاقستان تاريحىنداعى ەنەرگەتيكا سالاسىنداعى ەڭ ءىرى قادامداردىڭ ءبىرى بولماق.
سالتاناتتى شاراعا قر اتوم ەنەرگەتيكاسى اگەنتتىگىنىڭ باسشىسى الماسادام ساتقاليەۆ, «روساتوم» مەملەكەتتىك كورپوراتسياسىنىڭ باس ديرەكتورى الەكسەي ليحاچيوۆ جانە باسقا دا رەسمي تۇلعالار قاتىستى.
