Elde alǵashqy AES qurylysy resmı túrde bastaldy

Balqash jaǵasyndaǵy Úlken aýylynda elimizdiń alǵashqy atom elektr stanııasynyń qurylysyna daıyndyq bastaldy, dep habarlaıdy Qandastar.kz

Búgin munda «Rosatom» ókilderi, QR Atom energııasy agenttigi men energetıka kompanııalarynyń basshylary jınalyp, iri jobanyń resmı bastalatynyn málimdedi.

AES-tiń maketi kópshilikke alǵash ret tanystyryldy. Jospar boıynsha stanııa Balqash mańynda salynyp, elimizdiń energetıkalyq qaýipsizdigin kúsheıtýge baǵyttalady.

Bul joba Qazaqstan tarıhyndaǵy energetıka salasyndaǵy eń iri qadamdardyń biri bolmaq.

Saltanatty sharaǵa QR Atom energetıkasy agenttiginiń basshysy Almasadam Sátqalıev, «Rosatom» memlekettik korporaııasynyń bas dırektory Alekseı Lıhachıov jáne basqa da resmı tulǵalar qatysty.