ELDE SÝ TASQYNY BASTALǴALY 99 MYŃNAN ASTAM ADAM EVAKÝAIIaLANDY

Elde sý tasqyny bastalǵaly 99 myńnan astam adam qaýipsiz jerge kóshirilgen. Olardyń 36 myńnan astamy bala. Al ýaqytsha qonystandyrý pýnkterin 6516 adam panalap otyr. Bul týraly respýblıkalyq aqparattyq shtabtyń brıfınginde aıtyldy. Tótenshe jaǵdaılar mınıstrliginiń málimetinshe, 3513 jeke turǵyn úı sý astynda qaldy. Búginge deıin jedel jeli baılanysyna 1348 qońyraý kelip túsken. Zardap shekken aımaqtarǵa 1 myń tonna gýmanıtarlyq kómek jetkizildi. Erasyl Saıpash QR TJM Azamattyq qorǵanys jáne áskerı bólimder komıtetiniń aǵa ofıeri: — TJM jáne jergilikti atqarýshy organdardyń kúshterimen 8,9 mln. jýyq tekshe metr erigen qar sýy soryldy, 1,6 mln. qapshyq jáne 1,2 mln. tonna ınertti materıal tóseldi. Sý júrgen 110 avtojol, sý shaıǵan 116 avtojol, onyń ishinde 9 kópir jáne 107 jol tósemi baqylaýda.