ەلدەگى ءدارى-دارمەكتىڭ 80% شەتەلدەن اكەلىنەدى

ەلدەگى ءدارى-دارمەكتىڭ 80 پايىزدان استامى شەتەلدەن تاسىمالدانادى. سوندىقتان كەنجەلەپ تۇرعان فارماتسەۆتيكا سالاسىن ىلگەرىلەتۋ قازىر باسىم باعىتتاردىڭ ءبىرى. دەنساۋلىق ساقتاۋ مينيسترلىگى الداعى بەس جىلدا وتاندىق ءدارى-دارمەكتىڭ ءوندىرىسىن 50 پايىزعا جەتكىزۋدى كوزدەپ وتىر. ۇكىمەت قاۋلىسىمەن ارنايى باعدارلاما بەكىتىلىپ, فارماتسەۆتيكانى قولداۋ شارالارى قولعا الىندى. فارماتسەۆتيكا – ەكونوميكانىڭ ماڭىزدى بولىگى. قازىر سالادا 193 وتاندىق كومپانيا جۇمىس ىستەيدى. ونىڭ 150-ءى مەديتسينالىق بۇيىم, 43-ءى دارىلىك زاتتار شىعارادى. بىلتىر كاسىپورىندار 144,3 ملرد تەڭگەنىڭ ءونىمىن وندىرگەن. قازاقستاندىق فارمكومپانيالار دارىلىك زاتتىڭ 1015 ءتۇرى مەن مەديتسينالىق بۇيىمنىڭ 1882 ءتۇرىن شىعارادى. دەگەنمەن, نارىقتاعى دارىلىك زاتتاردىڭ تەك 14 جارىم پايىزعا جۋىعى ءوز ەلىمىزدە جاسالادى. قاناتبەك بەرىكوۆ, قر دسم مەديتسينالىق جانە فارماتسەۆتيكالىق باقىلاۋ كوميتەتىنىڭ باس ساراپشىسى: — مەملەكەت باسشىسىنىڭ تاپسىرماسى بويىنشا وتاندىق ءدارى-دارمەكتەردىڭ ۇلەسىن 29 جىلعا دەيىن 50 پايىزعا دەيىن جەتكىزۋ تاپسىرماسى بەرىلگەن بولاتىن. وسى تاپسىرمانى ورىنداۋ ءۇشىن قازىرگى تاڭدا ۇكىمەتپەن «جول كارتاسى» بەكىتىلىپ, بۇل جول كارتاسى بويىنشا جۇمىستار جۇرگىزىلۋدە. دارىلىك زاتتار مەن مەديتسينالىق بۇيىمداردى جەتكىزۋدىڭ ۇزاق مەرزىمدى شارتتارى بويىنشا 10 جىلدان قوسىمشا 3 جىلعا دەيىنگى ۇزارتۋ قاراستىرىلعان. سونىمەن قاتار ارنايى ەكونوميكالىق ايماقتا ورنالاسقان وبەكتىلەرگە م ۇلىك جانە جەر سالىقتارىنان بوساتۋ قاراستىرىلعان. ەلىمىزگە سىرتتان كەلەتىن ءدارى-دارمەك كوپ. دارىلىك زاتتاردى ساراپتاۋ ۇلتتىق ورتالىعىنا جىل سايىن 6 مىڭعا جۋىق ءوتىنىش كەلىپ تۇسەدى. ونىڭ 2-3 پروتسەنتى ساپاسى مەن قاۋىپسىزدىگى بويىنشا تالاپتارعا ساي بولماي شىعادى.

ناتيجەسىندە مەملەكەتتىك تىركەۋگە جىبەرىلمەيدى. كەيىنگى 4 جىلدا نارىقتا ادام دەنساۋلىعىنا زيان كەلتىرەتىن قاۋىپتى قوسپالارى بار 10 پرەپارات انىقتالعان. شىنار بايدۋللاەۆا, دارىلىك زاتتاردى ساراپتاۋ ۇلتتىق ورتالىعى دەپارتامەنتىنىڭ باسشىسى: — سىرتتان اكەلىنەتىن دارىلەر قازاقستاندا 2 كەزەڭدەگى تەكسەرىستەن وتكىزىلەدى. ءبىرىنشى كەزەڭدەگى تەكسەرىس ول تىركەۋگە دەيىنگى تەكسەرىس بولادى. ءبىرىنشى ساتىسى- بىرىنشىلىك تەكسەرۋ.

ول بىزگە بەرىلىپ جاتقان قۇجاتتاردىڭ بارلىعىن زاڭعا سايكەس كەلۋ, سايكەس كەلمەۋ جانە ونىڭ تولىقتىعى. ودان كەيىنگى ساتىمىز ول كۇردەلى سپەتسياليزيروۆاننىي دەپ ايتامىز عوي, مامانداندىرىلعان تەكسەرىلۋ بوپ جۇرگىزىلەدى. ول جەردە ءبىز دارىلىك زاتتاردىڭ ساپاسىن, ولاردىڭ ءوندىرۋ جولدارىن تەكسەرەمىز. دارىلەر ءبىزدىڭ ەلىمىزگە كىرە باستاعان كەزدە بىزدە تىركەۋدەن كەيىنگى تەكسەرۋ وتەدى. ءدارى-دارمەك ءوندىرىسىن دامىتۋ ءۇشىن ءىرى شەتەلدىك كومپانيالارمەن ارىپتەستىك قۇرۋ جوسپارلانعان.

ولارمەن بىرلەسكەن ينۆەستيتسيالىق جوبالار جۇزەگە اسادى. ەلىمىزدە ولاردىڭ فيليالدارى اشىلادى. قاناتبەك بەرىكوۆ, قر دسم مەديتسينالىق جانە فارماتسەۆتيكالىق باقىلاۋ كوميتەتىنىڭ باس ساراپشىسى: — ءىرى شەتەلدىك فارماتسەۆتيكالىق كومپانيالار, ياعني بيگفارما دەپ ايتامىز.ءىرى فارماتسەۆتيكالىق كومپانيالاردىڭ ءوندىرىسىن وقشاۋلاۋ ارقىلى ينۆەستيتسيا تارتۋ.

سونىمەن قاتار قولدانىستاعى قۇقىقتىق نورماتيۆتىك اكتىلەرگە وزگەرىس ەنگىزۋ, سونىمەن قاتار ونى ارمەن دامىتۋ سەكىلدى ءبىرشاما باعىتتا جۇمىستار جۇرگىزىلۋدە. سونىمەن قاتار قولدانىستىڭ كەلىسىمسنىڭ ءارتۇرلى كەزەڭدەرىندە اقش, وڭتۇستىك كورەيا, تۇركيا جانە يزرايل سەكىلدى ەلدەرمەن ينۆەستيتسيالىق جوبالار قازىرگى تاڭدا قولعا الىنۋدا, قاراستىرىلۋدا. ءدارى-دارمەك ءوندىرىسىن دامىتىپ, ەلىمىزدى وتاندىق ونىممەن قامتۋعا مۇمكىندىك بار. بۇل رەتتە ساپاعا ەرەكشە ءمان بەرىلەدى. وتكەن جىلى ساپانى باعالاۋدىڭ قورىتىندىسى بويىنشا مەملەكەتتىك تىركەۋدەن وتكەن 120 مىڭنان استام دارىلىك زاتتارعا ارنايى سەرتيفيكات بەرىلدى.