Jańalyqtar
“Elden qashpaq bolǵan”. Ultarazdyq týdyrǵan Alıka Mýhamadıeva 2 aıǵa qamaýǵa alyndy

Áleýmettik jelide ultarazdyq alaýyzdyq týdyryp, qazaqtardyń ar-namysyna tıetin jazba qaldyrǵan Qaraǵandy turǵyny Alıka Mýhamadıeva 2 aıǵa qamaýǵa alyndy, dep jazady qandastar.kz Alash.kz ulttyq portalyna silteme jasap.
Qaraǵandy oblystyq Polıııa departamentiniń habarlaýynsha, áleýmettik jelilerdi baqylaý barysynda áleýmettik jeli qoldanýshysy tarapynan ultaralyq arazdyqty qozdyrý faktisi anyqtaldy.
“Atalǵan fakti boıynsha Qylmystyq kodekstiń 174-babynyń 1-bóligimen qylmystyq is tirkelip, kúdikti ýaqytsha ustaý ızolıatoryna qamaldy.
Tergeý barysynda Qaraǵandy qalasynyń 22 jastaǵy turǵyny «Theads» áleýmettik jelisinde ultaralyq arazdyq belgileri bar jazba jarııalaǵany anyqtaldy. Tergeý organdaryna kúdiktiniń elden ketý nıeti belgili bolǵandyqtan, oǵan qatysty bultartpaý sharasyn qamaýda ustaý túrinde sankııalaý týraly ótinishhat berildi.
2025 jylǵy 22 shildede Qaraǵandy qalasynyń tergeý soty atalǵan ótinishti qanaǵattandyryp, tergeý merzimi ishinde eki aıǵa qamaýǵa alý túrindegi bultartpaý sharasy sankııalandy.
Qylmystyq is boıynsha sotqa deıingi tergeý jalǵasýda, qajetti saraptamalar taǵaıyndaldy. Tergeý nátıjesi boıynsha zańǵa sáıkes proessýaldyq sheshim qabyldanatyn bolady”,- delingen resmı habarlamada.
Esterińizge sala keteıik, Alıka Mýhamedıeva óziniń Threads paraqshasynda jarııalaǵan jazbada «Qazaqstan nemen tanymal?» degen saýalǵa «mambetamı» dep jaýap berip, qazaq tilinde sóıleýdi talap etetinderdi mazaq etip, memlekettik tildi «polýkalbıtskıı dıalog» dep kelemejdegen.