Elden shyǵarylady degen Sherzattyń ápkesi halyqtan keshirim surady

Foto: BES.Media

Jaqynda «mıtıngke úndegeni úshin» degen aıyp taǵylyp, 15 táýlikke qamalyp shyqqan marqum Sherzat Bolattyń ápkesi Baqyt Reımova halyqtan keshirim surady, dep habarlaıdy  Qaz365.kz.

Sonymen qatar Reımovany sot Qazaqstannan deportaııalaý jóninde sheshim shyǵarǵan. Biraq advokat Meıirman Shekeev zańsyzdyqtar bar ekenin aıtyp, Sherzat Bolattyń ápkesin elde alyp qalýǵa kúsh salatynyn aıtqan edi.

Men ómirden ótken Nurqanat pen Sherzattyń ápkesimin. Sizderden artyq ketken jerim bolsa keshirim suraımyn. Eki birdeı baýyrymnan aıyrylý maǵan da ońaı emes. Sol kúni ashý ústinde boldym. Meni túsinesizder dep oılaımyn. Bireý qorqytyp, aıtqyzyp jatyr dep oılamańyzdar. О́z qatemdi bilemin. Kersinshe qazaq eline bas ıemin. Qoldaýlaryńyzǵa alǵys sheksiz. Elden ketpes úshin duǵa etip jatqan kisiler bar eken. Mundaı qaıǵyny dushpanyma da tilemeımin, – dedi Baqyt Reımova jýrnalıst Jan Ahmadıevke bergen suhbatynda.

Eske salaıyq, buǵan deıin Baqyt Reımovanyń kámeletke tolmaǵan balasy prezıdentten kómek surap, úndeý joldaǵan edi.
Al advokaty Meıirman Shekeev aldaǵy josparlaryn aıtqan bolatyn.

Biz endi joǵarǵy sotqa júginemiz. Bas prokýratýraǵa shaǵym aıtamyz. Joǵarǵy sot bul qaýlyny buzady degen úmittemiz. Sebebi bul jerde halyqaralyq talaptar óreskel buzylyp otyr. BUU-na shyǵamyz. Bul jerde balanyń quqyǵy óreskel buzyldy. Sonymen qatar Baqyt Reıimovanyń etnıkalyq qazaq ekeni eskerilmedi, – deıdi ol.