Eldos Smetov otbasymen Londonǵa kóshti

Foto: instagram.com/yeldos60kg

Parıj Olımpıadasynyń altyn júldegeri Eldos Smetov áıelimen birge birneshe aı Londonda ómir súredi, dep jazdy qandastar.kz

Sportshy bul týraly byltyr qarashada aıtqan. Ol Olımpıada oıyndary kezinde aǵylshyn tilin bilmegendikten, qınalǵanyn jetkizip, aldaǵy maqsatynyń biri – tildi jetik meńgerý bolatynyn aıtqan bolatyn.

«2025 jyldyń basynda arnaıy aǵylshyn tilin úırený úshin Londonǵa 4 aıǵa baramyn. Halyqaralyq dzıýdo federaııasyna (IJF) aǵylshyn tilinde suhbat bergim keledi», – degen edi sportshy jýrnalısterge.

Endi kúni keshe sportshy áleýmettik jelidegi paraqshasynda Londonǵa jolǵa shyqqany týraly sýretter júktedi. Ony jáne áıelin jaqyn dostary shyǵaryp salǵan.

«Jol bolsyn! Amandyqta júzdeskenshe! Eldos baýyrymyzdy Anglııaǵa shyǵaryp saldyq. Saparlaryń sátti bolsyn!», – dep jazǵan sportshynyń jaqyndary.