الەم جاڭالىقتارىجاڭالىقتار
ەلدوس سمەتوۆ پاريجدە التىن الدى
فوتو: اشىق دەرەككوز
ەلدوس سمەتوۆ قارسىلاسىن جارىس جولىنان شىعارىپ, التىن مەدال يەلەندى!
60 كگ سالماق دارەجەسىندە سىنعا ءتۇسىپ جاتقان ەلدوس سمەتوۆ 1/16 فينالدا نيدەرلاند سپورتشىسى تورنيكە تسياكادوەامەن بەلدەستى. ەكى دزيۋدوشى نەگىزگى ۋاقىتتا ءوزارا مىقتىنى انىقتاي المادى.
ال قوسىمشا ۋاقىتتا ەلدوس قارسىلاسىنىڭ ءۇش رەت ەسكەرتۋ الۋىنا بايلانىستى جەڭىس جەتتى. ەكىنشى اينالىمدا ۋكراين ديلشوت حالماتوۆقا قارسى كۇرەستە جەڭدى. ال وليمپيادا ويىندارىنىڭ شيرەك فينالىندا تايپەيلىك يان يۋنۆەيمەن قارسىلاسىپ, ايقىن جەڭىسكە جەتتى. جارتىلاي فينالدا ەلدوس سمەتوۆ يسپان دزيۋدوشىسى فرانسيسكو گارريگوسپەن بەلدەسىپ, ونى سۇلاتىپ ءتۇسىردى.
ال فينالدا ەلدوس جەرگىلىكتى فرانتسۋز سپورتشى لۋكا محەيدزەنى ويسىراتا جەڭىپ شىقتى. ايتا كەتەيىك, 32 جاستاعى ەلدوس سمەتوۆ ءۇشىنشى رەت وليمپياداعا قاتىسىپ جاتىر. ول ريو-2016 باسەكەسىندە كۇمىس, توكيو-2020 دوداسىندا قولا مەدال ەنشىلەگەن ەدى.
سونداي-اق ەلدوس ماۋسىمدا ءۇش قازاقستاندىق دزيۋدوشىنىڭ اراسىندا وتكەن ىرىكتەۋ بەلدەسۋلەرىندە جەڭىسكە جەتىپ, پاريج وليمپياداسىنا جولداما العان بولاتىن.
