Eldos Smetov pen Ǵusman Qyrǵyzbaev elge oraldy

Foto: ashyq derekkózderden

Dzıýdodan Olımpıada chempıony atanǵan tuńǵysh qazaq Eldos Smetov pen qola júldeger Ǵusman Qyrǵyzbaev elge oraldy, dep habarlaıdy Qandastar.kz. Parıj Olımpıadasynyń qos júldegerinen keıin Almaty áýejaıyna ulttyq quramanyń basqa músheleri de keldi. Olardyń ishinde dzıýdodan Qazaqstan quramasynyń bas bapkeri Súleımenov Nurbol jáne Ábıba Ábýjaqynova sııaqty sportshylar bar.

Parıj olımpıadasynda Eldos Smetov – dzıýdodan olımpıadada altyn medal alǵan alǵashqy qazaq sportshysy. Al Ǵusman Qyrǵyzbaev 66 kelide qola medal aldy.

Eldos Smetovty kútip alý saltanatyna qazaq estradasynyń ánshileri, aıtysker aqyndar jáne Olımpıada júldegeriniń alǵashqy jattyqtyrýshysy da keldi. Shákirtiniń jetistigine shattanǵan jattyqtyrýshy qýanyshtan kózine jas aldy.

Al 66 keli salmaqta óner kórsetken sportshymyz Ǵusman Qyrǵyzbaev úzdik úshtikti túıindedi. 66 kıloǵa deıingi salmaqta baq synaǵan otandasymyz qola medal úshin ótken beldesýde serb sportshysy Strahınıa Býnchıchten aılasyn asyrdy. Aıta keteıik, Dzıýdo federaııasy Olımpıada júldegerine kólik mingizdi. Parıjden elge ushyp kelgen sportshy, sý jańa temir tulparymen úıine qaıtty.