Eldos Smetovke Astanadan úsh bólmeli páter berildi

Foto: ashyq derekkóz

Eldos Smetov bul týraly óziniń áleýmettik paraqshasynda bólisti, dep habarlaıdy  qandastar.kz.

«Qurmetti qazaq eli. Búgingi tańda QR Dzıýdo federaııasynyń prezıdenti Qýanyshbek aǵamyz Olımpıadadan alǵan júldemiz úshin marapattap, óziniń qurmetin kórsetti. Jeke basymnan Qazaqstan Dzıýdo federaııasynyń prezıdenti Qýanyshbek Esekeev myrzaǵa jeke alǵysymdy bildiremin. Osy Olımpıada oıyndaryna barǵanda maǵan úlken senim artqan, meniń qandaı da bir nátıje kórsetýime jaýapkershilikti óziniń moınyna alǵan, únemi qoldaý kórsetip, birge jumys istegen jeke bapkerim Ǵalymjan Jylgeldıevke ózimniń raqmetimdi aıtqym keledi. Osy ýaqytqa deıin meni qoldap júrgen QR Týrızm jáne sport mınıstrligine alǵysymdy bildirgim keledi. Sonymen qatar, mınıstrliktiń basshysy Erbol Qýantaıuly aǵamyzdy jańa qyzmetimen shyn júrekten quttyqtaımyn. Osy jolda maǵan kórsetken qoldaýlaryńyz úshin erekshe alǵys! Aldaǵy ýaqytta jetistikterimiz mol, jeńisti kúnderimiz kóp bolady dep senemin. Memleketimizdiń kók baıraǵy jelbirep, elimiz aman, jurtymyz tynysh bolsyn», – dep jazdy Eldos Smetov.

Aıta keteıik, Eldos Smetov –  Parıj Olımpıadasynyń jalǵyz altyn medal ıegeri.