جاڭالىقتار
ەلدوس سمەتوۆتىڭ جاتتىقتىرۋشىسى 4 ملن الاتىن بولدى
فوتو: jambylinfo.kz.
قىركۇيەك ايىنان باستاپ ەلدوس سمەتوۆتىڭ جاتتىقتىرۋشىسىنىڭ جالاقىسى ءوستى, ول كەلەسى وليمپياداعا دەيىن ايىنا 4 ميلليون تەڭگەدەن ارتىق الادى. مۇنداي شەشىم جامبىل وبلىستىق ءماسليحاتىنىڭ وسى اپتادا وتكەن سەسسياسىندا قابىلداندى, دەپ جازادى qandastar.kz
بۇل وزگەرىس سپورت اگەنتتىگى توراعاسىنىڭ 2014 جىلعى 28 شىلدەدەگى بۇيرىعىنا سايكەس ورىن العان. جىلگەلديەۆ قىركۇيەككە دەيىن اي سايىن 1 ميلليون تەڭگە كولەمىندە جالاقى الىپ كەلگەن.
جامبىل وبلىسى اكىمدىگىنىڭ ەكونوميكا جانە بيۋدجەتتىك جوسپارلاۋ باسقارماسىنىڭ ماماندارى بۇل جالاقىنىڭ كوتەرىلۋى سپورتشىلاردىڭ الەمدىك جارىستاردا جۇلدە الۋىنا بايلانىستى اۆتوماتتى قوسىمشا تولەم ەكەنىن حابارلادى.
ەلدوس سمەتوۆتىڭ ءالى جالاقىسىن كوتەرگەن جوق. سمەتوۆ وبلىس اكىمىنىڭ شەشىمىمەن ەڭ جوعارى جالاقى – 2 684 000 تەڭگەنى الادى. قازىر جامبىل وبلىسىنىڭ سپورت باسقارماسى چەمپيوننىڭ جالاقىسىن كوتەرۋ تۋرالى شەشىمگە وزگەرتۋلەر ەنگىزىپ جاتىر. بۇل كەلەسى جىلدان باستاپ ورىن الۋى مۇمكىن (قازاقپارات).
