«Eldosty jattyqtyrýǵa qarsy adamdar boldy»: Smetovtiń bapkeri biraz qupııanyń betin ashty

Foto: ashyq derekkóz

Kúni keshe Parıj Olımpıadasynda Qazaq eline altyn júlde alyp kelgen dzıýdoshy Eldos Smetovtiń jeke bapkeri Ǵalymjan Jylgeldıev «Sport mınıstri» YouTube kanalyna suhbat berdi, dep habarlaıdy Skifnews.kz aqparat portaly.

Bapker Eldostyń jeńis joly, ásirese, oǵan jasalǵan kedergiler men qoldaýlar týraly aıta kelip, ulttyq quramadaǵy franýz mamandarynyń jumysyna toqtaldy, dep jazady sadaqmedia.kz.

«Eki jyl buryn federaııa bizge Franııadan mamandardy alyp keldi. Men arnaıy baryp jattyǵý barysyn kórdim. Biraq, meniń baǵdarlamama kelińkiremeıtinin baıqadym. Sosyn Eldosqa «franýzdardyń jumysy unasa, solarmen jeńiske jetemin deseń, meniń qarsylyǵym joq, daıyndal», dedim. Biraq Eldos: «Aǵa, men sizben daıyndalamyn. Sizdiń programmańyzben qansha jeńiske jettik, bul belesti de eńseremiz», dedi. Alaıda bizdiń Eldospen birge jattyǵýymyzǵa qarsy adamdar kóp boldy», deıdi bapker.

Osyndaı qysyltaıań shaqta araǵa QR MSM Sport jáne dene shynyqtyrý isteri komıtetiniń tóraǵasy Erbol Myrzabosynov túsedi. «Erbol Qýantaıulyna qurmetim erekshe. Men bul kisini syrttaı bilgenim bolmasa, birge júrgen emespin, jaqyn tanymaımyn da. Aldymyzdaǵy kedergilerdi alyp tastady.

«Ǵalymjan, sizge ne kerek, qandaı kómegim qajet» dep júrip, Eldosty bólek shyǵaryp, ózime berdi. «Aǵa, sizge senemiz, Eldostan chempıon shyǵaryńyz», dedi. Men oǵan «maǵan senim artsańyz, bar kúshimdi salamyn, senimdi aqtaımyn», dedim», — deıdi ol.

Budan bólek Smetovtiń bapkeri shákirtiniń minezi týraly da aıta ótti.

«Eldosta qanshama jaraqattar boldy. Men oǵan: «Eldos, eshteńe etpeıdi, demal», — dep árdaıym aıtyp otyramyn. Sondaı-aq biz mımen kóbirek jumys istedik, psıhologııalyq turǵydan daıyndaldyq. Eldosqa únemi tek baǵyt-baǵdar bere alatynymdy, keńes aıta alatynmdy jetkizdim, al kúresken kezde sen ózińniń mıyńdy qosyp kúresesiń deıtinmin. Men onyń ishki jaı-kúıin árdaıym oıatatynmyn. Ol kishkentaıynan ózi yzaqor edi. Men ony ádeıi yzalandyratynmyn. Men onyń yzaqor ekenin bilemin, ol meniń kóz aldymda ósti. Adamnyń boıynda ol qasıet ómir-baqı qalyp qalady eken. Men onyń ishindegi osy qasıetti oıatsam, sonda ǵana kúresedi. Sondyqtan osyndaı minez bolýy kerek», — dedi Ǵalymjan Jylgeldıev.

Ǵalymjan Jylgeldıev Eldostyń endigi joly qalaı baǵyttalaryna qatysty oıyn jetkizdi.

«Meniń oıymsha, Eldos sportta júrýi kerek, alystamaýy kerek. Sońynan ergen jastarǵa bilgenin úıretýi kerek», — deıdi  Jylgeldıev.