الەم جاڭالىقتارى
ەلەنا رىباكيناعا قورلىق كورسەتكەن باپكەر قاتاڭ جازالاندى
فوتو: چەمپيونات.كوم
ايەلدەر تەننيس قاۋىمداستىعى (WTA) قازاقستاندىق تەننيسشى ەلەنا رىباكينانىڭ بۇرىنعى جاتتىقتىرۋشىسى ستەفانو ۆۋكوۆتى بىر جىلعا تەننيس قىزمەتىنەن شەتتەتتى. بۇل شەشىم ۆۋكوۆتىڭ رىباكيناعا پسيحولوگيالىق جانە فيزيكالىق قىسىم كورسەتكەنى تۋرالى ايىپتاۋلاردان كەيىن قابىلداندى, دەپ جازدى qandastar.kz
تەرگەۋ بارىسىندا ۆۋكوۆتىڭ تەننيسشىنى «اقىماق» دەپ اتاعانى جانە «مەن بولماسام ەلەنا رەسەيدە كارتوپ جيناپ جۇرەر ەدى» دەگەن سوزدەرى انىقتالدى. سونىمەن قاتار, ونىڭ قاتال جاتتىعۋ ادىستەرى رىباكينانىڭ دەنساۋلىعىنا كەرى اسەر ەتىپ, ءجيى اۋرۋلارعا شالدىقتىرعانى بەلگىلى بولدى.
ستەفانو ۆۋكوۆ كىم?
ستەفانو ۆۋكوۆ 2019 جىلدان باستاپ ەلەنا رىباكينانىڭ جاتتىقتىرۋشىسى بولىپ, مانسابىندا ماڭىزدى ءرول اتقاردى. ۆۋكوۆتىڭ جەتەكشىلىگىمەن رىباكينا 2022 جىلى ۋيمبلدون تۋرنيرىندە جەڭىسكە جەتتى. الايدا, 2024 جىلى سپورتشى مەن باپكەر اراسىندا كەلىسىمشارت اياقتالىپ, ۆۋكوۆ WTA تاراپىنان تارتىپتىك تەرگەۋگە الىندى. 2025 جىلدىڭ قاڭتارىندا رىباكينا ۆۋكوۆتى قايتادان كومانداسىنا قوسقىسى كەلەتىنىن مالىمدەدى, بىراق WTA تەرگەۋ ناتيجەلەرىنە سۇيەنە وتىرىپ, ونى ءبىر جىلعا شەتتەتۋ تۋرالى شەشىم قابىلدادى.
kursiv.media حابارلاعانداي, 2024 جىلى قاراشا ايىندا, ەلەنا جاڭا باپكەرى رەتىندە اتاقتى تەننيسشى نوۆاك دجوكوۆيچتىڭ بۇرىنعى باپكەر گوران يۆانيشەۆيچپەن جۇمىس ىستەيتىنىن مالىمدەگەن ەدى. الايدا قاڭتار ايىندا تەننيسشى قايتادان باپكەرسىز قالدى.
