Elena Rybakınaǵa qorlyq kórsetken bapker qatań jazalandy

Foto: Chempıonat.kom

Áıelder tennıs qaýymdastyǵy (WTA) qazaqstandyq tennısshi Elena Rybakınanyń burynǵy jattyqtyrýshysy Stefano Výkovty bir jylǵa tennıs qyzmetinen shettetti. Bul sheshim Výkovtyń Rybakınaǵa psıhologııalyq jáne fızıkalyq qysym kórsetkeni týraly aıyptaýlardan keıin qabyldandy, dep jazdy qandastar.kz

Tergeý barysynda Výkovtyń tennısshini «aqymaq» dep ataǵany jáne «men bolmasam Elena Reseıde kartop jınap júrer edi» degen sózderi anyqtaldy. Sonymen qatar, onyń qatal jattyǵý ádisteri Rybakınanyń densaýlyǵyna keri áser etip, jıi aýrýlarǵa shaldyqtyrǵany belgili boldy.

Stefano Výkov kim?

Stefano Výkov 2019 jyldan bastap Elena Rybakınanyń jattyqtyrýshysy bolyp, mansabynda mańyzdy ról atqardy. Výkovtyń jetekshiligimen Rybakına 2022 jyly Ýımbldon týrnırinde jeńiske jetti. Alaıda, 2024 jyly sportshy men bapker arasynda kelisimshart aıaqtalyp, Výkov WTA tarapynan tártiptik tergeýge alyndy. 2025 jyldyń qańtarynda Rybakına Výkovty qaıtadan komandasyna qosqysy keletinin málimdedi, biraq WTA tergeý nátıjelerine súıene otyryp, ony bir jylǵa shettetý týraly sheshim qabyldady.

kursiv.media habarlaǵandaı,  2024 jyly qarasha aıynda, Elena jańa bapkeri retinde ataqty tennısshi Novak Djokovıchtiń burynǵy bapker Goran Ivanıshevıchpen jumys isteıtinin málimdegen edi. Alaıda qańtar aıynda tennısshi qaıtadan bapkersiz qaldy.