«ەلگە كىرۋگە تىيىم سالىنار ەدى»: ازاماتتىعىن اۋىستىرعان قازاق قىزى جەلىنى شۋلاتتى

فوتو: الەۋمەتتىك جەلىدەن

الەۋمەتتىك جەلىدە ايدا ەسىمدى قازاق قىزى قازاقستان ازاماتتىعىنان باس تارتىپ, اقش ازاماتتىعىن العانىن ايتىپ, جازبا جاريالادى, دەپ حابارلايدى qandastar.kz. 

«ماعان دا وڭاي بولعان جوق. بىراق مەنىڭشە, قازاقستان ءاربىر جاعدايدى جەكە قاراپ, قوس ازاماتتىقتى رۇقسات ەتۋى كەرەك, اسىرەسە كورشىلەس ەمەس, الىس ەلدەرمەن.مەن وتانىن سۇيەتىن, شەتەلدە تاجىريبە جيناپ, ونى قازاق جاستارىنا جەتكىزگىسى كەلەتىن اداممىن. ازاماتتىقتان باس تارتپاسام, زاڭ بويىنشا ماعان ايىپپۇل سالىنىپ, ەلگە كىرۋگە تىيىم سالىنار ەدى.وكىنىشتىسى — مەملەكەت ءبىر سالىق تولەۋشىدەن ايىرىلىپ وتىر. Kaspi اۋدارىمدارىن باقىلاعاننان گورى, قوس ازاماتتىقتى جەكە قاراستىرعان دۇرىس. مەن ەلگە كومەكتەسۋگە دايىنمىن», — دەپ جازدى ول.

سونداي-اق, ول قۇجات وزگەرسە دە, ۇلت وزگەرمەيتىنىن ايتتى.

«قازاقستان ازاماتتىعىنان باس تارتقان كۇنىم… قۇجات وزگەرسە دە, ۇلت وزگەرمەيدى. مەنىڭ جۇرەگىم مەن جانىم – ماڭگى قازاق!», — دەپ جازدى قازاق قىزى.

الايدا ونىڭ جازباسى كوپشىلىك تالقىسىنا ءتۇسىپ, ءتۇرلى پىكىرلەر جازىلدى. ءبىرى ونىڭ اقش ازاماتى بولعانىن قۇتتىقتاسا, ەندى ءبىرى اشۋلانىپ پىكىر قالدىرعان.