«ەلگە كومەك» قايىرىمدىلىق قورىنىڭ تاعى ءبىر بىلىعى اشكەرەلەندى

فوتو: اشىق دەرەككوز

ەلگە تانىمال جۋرناليست رۋسلان وتەپباي «ەلگە كومەك» قايىرىمدىلىق قورى جەتەكشىلەرىنىڭ تاعى ءبىر الاياقتىق ارەكەتىن جاريا ەتتى, دەپ حابارلايدى Skifnews.kz اقپارات پورتالى.

«ۆيدەوداعى اۋديونى ءىلياس ساريەۆ جانسۇلۋ ەسىمدى كەلىنشەككە جىبەرگەن. ماقساتى جالعىزباستى اناعا نەسيە الدىرۋ. الايدا جانسۇلۋ نەسيە الىپ بەرە المايمىن دەيدى. بىراق يلياس, اناسىنىڭ اۋىرىپ جاتقانىن الدىعا تارتىپ, ءوتىنىش ەمەس, كەلىنشەككە تالاپ قويادى. جانسۇلۋ ىلياسقا قۇدايداي سەنىپ, ونىڭ تۋعان قارىنداسىنا 2 ميلليون تەڭگە نەسيە الىپ بەرەدى. الايدا ول قىز ءىلياستىڭ قارىنداسى ەمەس, ءسىز بەن بىزگە تانىس اقتوتى بولىپ شىعادى» , — دەيدى جۋرناليست.

رۋسلان وتەپبايدىڭ ايتۋىنشا, ەڭ سوراقاسى اقتوتى كەلىنشەكتىڭ تەلەفونىن الىپ, باسقا بانكتان تاعى دا 1 ميلليون تەڭگە نەسيە شىعارىپ, دەرەۋ ءوزىنىڭ سچەتىنا اۋدارىپ العان. مۇنى جانسۇلۋ تەك كەلەسى كۇنى بايقاعان.

بۇل دەرەك بويىنشا دا اقتوتى مەن ءىلياستىڭ ۇستىنەن قىلمىستىق ءىس قوزعالدى.