«Elge kómek» qaıyrymdylyq qorynyń taǵy bir bylyǵy áshkerelendi

Foto: ashyq derekkóz

Elge tanymal jýrnalıst Rýslan О́tepbaı «Elge kómek» qaıyrymdylyq qory jetekshileriniń taǵy bir alaıaqtyq áreketin jarııa etti, dep habarlaıdy Skifnews.kz aqparat portaly.

«Vıdeodaǵy aýdıony Ilııas Sarıev Jansulý esimdi kelinshekke jibergen. Maqsaty jalǵyzbasty anaǵa nesıe aldyrý. Alaıda Jansulý nesıe alyp bere almaımyn deıdi. Biraq Ilııas, anasynyń aýyryp jatqanyn aldyǵa tartyp, ótinish emes, kelinshekke talap qoıady. Jansulý Ilııasqa Qudaıdaı senip, onyń týǵan qaryndasyna 2 mıllıon teńge nesıe alyp beredi. Alaıda ol qyz Ilııastyń qaryndasy emes, siz ben bizge tanys Aqtoty bolyp shyǵady» , — deıdi jýrnalıst.

Rýslan О́tepbaıdyń aıtýynsha, eń soraqasy Aqtoty kelinshektiń telefonyn alyp, basqa banktan taǵy da 1 mıllıon teńge nesıe shyǵaryp, dereý óziniń schetyna aýdaryp alǵan. Muny Jansulý tek kelesi kúni baıqaǵan.

Bul derek boıynsha da Aqtoty men Ilııastyń ústinen qylmystyq is qozǵaldy.