«Elge kómek» qaıyrymdylyq qorynyń jetekshisi qamaýǵa alyndy

Foto: skrın

Jelide qazaq_robin_hood laqap atymen tanylǵan «Elge kómek» qaıyrymdylyq qorynyń jetekshisi Ilııas Sarıev qamaýǵa alyndy. Bul týraly zańger Nursultan Orynbekov áleýmettik jelidegi paraqshasynda jazdy, dep habarlady qandastar.kz saıty Orda.kz-ke silteme jasap.

«Qazaq Robın Gýd — Ilııas Sarıev alaıaqtyq baby boıynsha ustaldy», — dep habarlady ol.

Almaty qalalyq polıııa departamenti atalǵan aqparatty rastady. Qazirgi ýaqytta qylmystyq is qozǵalyp, tergeý amaldary júrgizilip jatyr.

«Almaly aýdandyq polıııa basqarmasyna qarasty bólimde alaıaqtyq deregi boıynsha qylmystyq is qozǵaldy. Jan-jaqty ári obektıvti tergeýge baǵyttalǵan birqatar tergeý sharalary júrgizilýde. Nátıjesinde proessýaldyq sheshim qabyldanady»,  — dep habarlady Almaty polıııa departamenti.

Aıta keteıik, buǵan deıin «Elge kómek» qaıyrymdylyq qory daýǵa ilikken bolatyn. Áleýmettik jelide qor qarjyny maqsatsyz jumsaǵany týraly aqparat tarady. Tipti jýrnalıst Gúlmıra Ábiqaıǵa birneshe adam habarlasyp, aldanyp qalǵandaryn aıtqan. Qor áleýmettik jelide «úı alyp berdik» dep esep bergenimen, shyn máninde ol úı ıesine berilmegeni aıtyldy. Alaıda qor jetekshisi Ilııas Sarıev bul aqparattyń barlyǵyn joqqa shyǵarǵan edi.