Elge pırotehnıkalyq ónimderdi zańsyz ákelýdiń joly kesiledi

Foto: primeminister.kz

Vıe-premer Qanat Bozymbaev qabyldanyp jatqan sharalar týraly jaýapty mınıstrlikter men óńir ákimdikteriniń esepterin tyńdady, dep jazdy qandastar.kz

Jeltoqsanda órt qaýipsizdigi aılyǵy bastaldy. Tótenshe jaǵdaılar mınıstrligi alǵashqy aptanyń ishinde eldi mekenderdegi 2,5 myńnan astam úıdi qamtıtyn profılaktıkalyq reıdter ótkizdi. Peshter men elektr júıeleri tekseriledi. Sondaı-aq pırotehnıkalyq buıymdardy paıdalaný erejeleri túsindiriledi. Ishki ister mınıstrligimen birlesip, «Pırotehnıka» jedel-profılaktıkalyq is-sharasy ótýde. 670 mobıldi top qurylyp, pırotehnıkany saqtaý jáne taratý oryndary boıynsha 78 reıdtik is-shara ótkizildi. Ruqsat etilmegen saýda úshin 21 adam ákimshilik jaýapkershilikke tartyldy. Elge pırotehnıkalyq ónimderdi zańsyz ákelý faktileriniń jolyn kesý boıynsha jumystar júrgizilýde. Mereke qarsańynda IIM men TJM qyzmet kórsetýdiń kúsheıtilgen jumys rejımine kóshýde.

«Oıyn-saýyq jáne adamdar kóp jınalatyn oryndardy aldyn ala tekserý qajet. О́rt sóndirý quraldarynsyz buqaralyq is-sharalar ótkizýge ruqsat bermeý qajet. Adamdardy shuǵyl evakýaııalaý boıynsha qyzmetkerlermen oqý-jattyǵýlaryn ótkizý kerek. Saýda jáne oıyn-saýyq ortalyqtary, teatrlar men sport keshenderiniń parkıngterine gaz jabdyqtary bar avtokólikterdiń kirýine jol bermeýge erekshe nazar aýdarý qajet. Biz tótenshe jaǵdaılardyń aldyn alý boıynsha keshendi sharalar qabyldaýymyz kerek», — dep tapsyrdy Qanat Bozymbaev.

Vıe-premer Oqý-aǵartý mınıstrligine men óńir ákimdikterine qysqy demalys jáne jańa jyldyq merekeler kezinde balalar men jasóspirimderdiń bos ýaqytyn laıyqty uıymdastyrý tapsyryldy. Sondaı-aq Mádenıet jáne aqparat mınıstrligi halyqty mereke kúnderindegi qaýipsizdik sharalary týraly keńinen habardar etýi kerek.