جاڭالىقتار
ەلىمىزدە 1 شىلدەدەن باستاپ نە وزگەرەدى?
گاز, تەمەكى, ينتەرنەت قىمباتتادى,-دەپ حابارلايدى Qandastar.kz
گاز قىمباتتادى
ەنەرگەتيكا مينيسترلىگىنىڭ مالىمەتىنشە, رەسەيلىك باعاعا جاقىنداتۋ ءۇشىن گاز قۇنىنا تۇزەتۋ ەنگىزىلدى.
«سۇيىتىلعان مۇناي گازىنىڭ ءبىر تونناسى ءۇشىن شەكتى كوتەرمە باعا 45 158 تەڭگە بولادى (بۇرىن – 40 320 تەڭگە). بۇل رەتتە شەكتى بولشەك ساۋدا باعاسى وڭىرگە بايلانىستى ليترىنە 5-تەن 8 تەڭگەگە دەيىن ازداپ وسەدى», – دەپ حابارلادى ۆەدومستۆو.
ەنەرگەتيكا مينيسترلىگى سونداي-اق تاۋارلىق گاز باعاسىنىڭ كوتەرىلۋى تۇتىنۋشىلارعا ازداپ اسەر ەتەتىنىن اتاپ ءوتتى. ورتا ەسەپپەن جەكە ۇيگە ارنالعان شىعىن ايىنا شامامەن 1080 تەڭگە, پاتەر ءۇشىن – 130 تەڭگە بولادى.
ينتەرنەت قىمباتتادى
«قازاقتەلەكوم» كوبىرەك تولەۋگە تۋرا كەلەتىن تاريفتەردىڭ تولىق ءتىزىمىن رەسمي سايتىندا جاريالادى.
ءوسىم ۇيدەگى ينتەرنەتكە جانە 50-دەن استام تاريفكە اسەر ەتەدى. ەڭ تومەنگى باعا – 5999, ەڭ جوعارعى باعا – 10 999 تەڭگە بولادى.
تەمەكى تاعى قىمباتتادى
ءفيلترلى, ءفيلترسىز سيگارەتتەرگە, پاپيروستارعا, سيگاريللالارعا جانە قىزدىرىلاتىن تەمەكىسى بار بۇيىمدارعا ەڭ تومەن بولشەك ساۋدا باعاسىن مىناداي مولشەردە بەلگىلەندى:
2023 جىلعى 1 شىلدەدەن باستاپ 2023 جىلعى 31 جەلتوقساندى قوسا العاندا 710 تەڭگە;
2024 جىلعى 1 قاڭتاردان باستاپ 770 تەڭگە.
ءدارى-دارمەك قىمباتتادى
1 شىلدەدەن باستاپ ەلىمىزدە فارماتسەۆتيكالىق پرەپاراتتاردى مىندەتتى تۇردە تاڭبالاۋ تۋرالى ەرەجە كۇشىنە ەندى. وسىعان بايلانىستى ءدارى-دارمەك 5% قىمباتتايدى.
ەندى ءدارىحانالار 3700-دەن استام پرەپاراتتىڭ باعاسىن ءوزى بەلگىلەيدى.
