Elimizde 2025-2027 jyldary jyl saıyn Ulttyq qordan 2 trıllıon teńge alynbaq

Foto: ashyq derekkóz

30 qazanda májilis otyrysynda «Qazaqstan Respýblıkasynyń Ulttyq qorynan 2025-2027 jyldarǵa arnalǵan kepildendirilgen transfert týraly» Zań jobasy qaraldy. Bul týraly qandastar.kz Stan.kz aqparat agenttigine silteme jasap habarlaıdy.

Ulttyq ekonomıka mınıstri Nurlan Baıbazarovtyń aıtýynsha, kepildendirilgen transferttiń mólsheri bıýdjettik qaǵıdalarǵa sáıkes anyqtalǵan.

“Zań jobasynda munaıdyń kesimdi baǵasy 2025 jyly barreline 42,3 AQSh dollary, 2026-2027 jyldary barreline 41-39,4 AQSh dollary deńgeıinde belgilengen. Osyny eskere otyryp, Ulttyq qordan kepildendirilgen transferttiń mólsheri 2025-2027 jyldarǵa jyl saıyn 2 trln teńge kóleminde aıqyndaldy”, – dedi ol óz baıandamasynda.

Atalǵan kezeńde Ulttyq qordyń taza valıýtalyq aktıvteri 2025 jyly 62,2 mıllıard dollar, 2026-2027 jyldary 69,9 jáne 78,7 mıllıard dollar bolady dep boljanǵan.