ءبىلىم
ەلىمىزدە 25 مىڭنان استام عالىم ەڭبەك ەتەدى
فوتو: ينتەرنەت
بۇگىندە ەلىمىزدە 25 مىڭنان استام عالىم ەڭبەك ەتەدى, ولاردىڭ جارتىسى – 40 جاسقا تولماعان جاس زەرتتەۋشىلەر, دەپ جازدى qandastar.kz
بۇل داتانىڭ ءدال 12 ساۋىرگە تاڭدالۋى دا تەگىن ەمەس. ويتكەنى بۇل قازاق عىلىمىنىڭ نەگىزىن قالاۋشى, ەلىمىزدىڭ تۇڭعىش اكادەميگى, كورنەكتى گەولوگ ءارى قوعام قايراتكەرى قانىش يمانتاي ۇلى ساتباەۆتىڭ تۋعان كۇنىنە سايكەس كەلەدى.
قانىش ساتباەۆ – قازاق عىلىمىنىڭ قالىپتاسۋىنا زور ۇلەس قوسقان تاريحي تۇلعا. ول قازاق كسر عىلىم اكادەمياسىنىڭ تۇڭعىش پرەزيدەنتى بولدى, جانە قازاقستانداعى كوپتەگەن ءىرى كەن ورىندارىن زەرتتەپ, عىلىمي تۇرعىدا دالەلدەگەن.
عىلىم جانە جوعارى ءبىلىم مينيسترلىگىنىڭ مالىمەتىنشە, 2025-2027 جىلدارعا ارنالعان عىلىمدى مەملەكەتتىك قارجىلاندىرۋ 531,1 ملرد تەڭگەگە دەيىن ۇلعايتىلدى.
ەلىمىزدە جىل سايىن عالىمدارعا مەملەكەت تاراپىنان تۇراقتى تۇردە قولداۋ كورسەتىلىپ كەلەدى. اتاپ ايتقاندا, 423 جاس عالىمعا پاتەر بەرىلسە, عالىمداردىڭ جالاقىسى 18 پايىزعا ءوستى. بۇدان بولەك بۇل سالا ماماندارىنا عىلىمي اتاقتارى ءۇشىن قوسىمشا اقىلار 50 ايلىق ەسەپتىك كورسەتكىش مولشەرىنە دەيىن كوتەرىلدى. سونىمەن قاتار 500 عالىمعا شەتەلدە عىلىمي تاعىلىمدامادان وتۋگە مۇمكىندىك بەرىلسە, «جاس عالىم» گرانتتىق قارجىلاندىرۋعا ارنالعان كونكۋرستار ىسكە اسىرىلدى. «ۇزدىك عىلىمي قىزمەتكەر» نوميناتسياسى بويىنشا 2000 ايلىق ەسەپتىك كورسەتكىش مولشەرىندە 50 سىيلىق تاعايىندالدى. ال 2024-2025 وقۋ جىلىنا ارنالعان دوكتورانتۋراعا عىلىمي كادرلار دايارلاۋ ءۇشىن 2919 گرانت ءبولىندى.
