Elimizde 25 myńnan astam ǵalym eńbek etedi

Foto: ınternet

Búginde elimizde 25 myńnan astam ǵalym eńbek etedi, olardyń jartysy – 40 jasqa tolmaǵan jas zertteýshiler, dep jazdy qandastar.kz

Bul datanyń dál 12 sáýirge tańdalýy da tegin emes. О́ıtkeni bul qazaq ǵylymynyń negizin qalaýshy, elimizdiń tuńǵysh akademıgi, kórnekti geolog ári qoǵam qaıratkeri Qanysh Imantaıuly Sátbaevtyń týǵan kúnine sáıkes keledi.

Qanysh Sátbaev – qazaq ǵylymynyń qalyptasýyna zor úles qosqan tarıhı tulǵa. Ol Qazaq KSR Ǵylym akademııasynyń tuńǵysh prezıdenti boldy, jáne Qazaqstandaǵy kóptegen iri ken oryndaryn zerttep, ǵylymı turǵyda dáleldegen.

Ǵylym jáne joǵary bilim mınıstrliginiń málimetinshe, 2025-2027 jyldarǵa arnalǵan ǵylymdy memlekettik qarjylandyrý 531,1 mlrd teńgege deıin ulǵaıtyldy.

Elimizde jyl saıyn ǵalymdarǵa memleket tarapynan turaqty túrde qoldaý kórsetilip keledi. Atap aıtqanda, 423 jas ǵalymǵa páter berilse, ǵalymdardyń jalaqysy 18 paıyzǵa ósti. Budan bólek bul sala mamandaryna ǵylymı ataqtary úshin qosymsha aqylar 50 aılyq eseptik kórsetkish mólsherine deıin kóterildi. Sonymen qatar 500 ǵalymǵa shetelde ǵylymı taǵylymdamadan ótýge múmkindik berilse, «Jas ǵalym» granttyq qarjylandyrýǵa arnalǵan konkýrstar iske asyryldy. «Úzdik ǵylymı qyzmetker» nomınaııasy boıynsha 2000 aılyq eseptik kórsetkish mólsherinde 50 syılyq taǵaıyndaldy. Al 2024-2025 oqý jylyna arnalǵan doktorantýraǵa ǵylymı kadrlar daıarlaý úshin 2919 grant bólindi.