Elimizde álemge áıgili New York Film Academy fılıaly ashyldy

Foto: gov.kz

Almaty oblysynyń Qaskeleń qalasynda álemge áıgili New York Film Academy (NYFA) alǵashqy qazaqstandyq jáne AQSh-tan tys úshinshi kampýsy ashyldy, – dep habarlaıdy qandastar.kz

Bul mańyzdy oqıǵa eldegi kreatıvti ındýstrııanyń damýyna serpin berip, jas talanttar úshin jańa múmkindikterdiń esigin ashty.

Joba 2024 jyly Almaty energetıka jáne baılanys ýnıversıteti tarapynan usynylyp, bıylǵy 29 qyrkúıekte Energo University Kreatıvti ındýstrııalar parki aýmaǵyndaǵy kampýsta oqytý bastalady. Munda arnaıy AQSh-tan kelgen NYFA kásibı lektorlary dáris beredi. Bilim berý bes baǵyt boıynsha júrgiziledi: kınoóndirý (Filmmaking), prodıýserlik (Producing), senarıı jazý (Screenwriting), anımaııa jáne vızýaldy effektiler (3D animation & VFX), sondaı-aq oıyndar dızaıny (Game design).

Akademııanyń alǵashqy qabyldaýyna Qazaqstan men kórshiles elderden, sonyń ishinde Qytaı, Úndistan jáne Reseıden 200-ge deıin stýdent qabyldanady. Túlekter alǵan dıplom amerıkandyq ýnıversıtet dıplomyna teńestirilip, olarǵa NYFA-nyń Nıý-Iork nemese Los-Andjeles qalalaryndaǵy kampýstarynda oqýyn jalǵastyrý múmkindigin beredi.

Qaskeleńde New York Film Academy fılıalynyń ashylýy – bul tek bilim berý salasyn keńeıtý ǵana emes, sonymen qatar Qazaqstannyń kreatıvti ekonomıkasyn damytýǵa qosylǵan eleýli úles. Jańa ýnıversıtet kıno, anımaııa jáne oıyn ındýstrııasy salalarynda kásibı mamandar daıarlaıtyn myqty platformaǵa aınalyp, jastarǵa halyqaralyq deńgeıde tabysqa jetýge jol ashady.