Elimizde alǵashqy AES-tiń quny qansha bolýy múmkin?

Foto: ashyq derekkóz

Atom energetıkasy jónindegi agenttik tóraǵasy Almasadam Sátqalıev alǵashqy AES-tyń quny qandaı bolýy múmkin ekenin aıtty, dep habarlaıdy qandastar.kz

«Quny tehnıkalyq-ekonomıkalyq negizdeme negizinde belgili bolady. Búgingi tańda bizde konkýrs rásimderine qatysqan vendorlar usynǵan ındıkatıvti parametrler bar. Biraq ta, qazir bul málimetterdi jarııa ete almaımyz, sebebi bul proeske qatysýshylarmen jasalǵan qupııalyq týraly kelisimdermen qorǵalǵan. Jalpy álemdik tájirıbege súıener bolsaq, osyndaı deńgeıdegi stanııanyń quny kem degende shamamen 14 mıllıard dollar turady», – dedi Almasadam Sátqalıev.

Sondaı-aq, ol ekinshi AES-ti Qytaı salady dep aıtylǵan aqparatqa túsinikteme berdi.

— AES salýmen baılanysty árbir joba ózinshe biregeı. Báriniń quzyreti, baıypty tájirıbesi bar. «Rosatomdy» birinshi jobaǵa tańdap alýymyzdyń ózine qurylystyń merzimi boıynsha usynǵan nusqasymen baılanysty boldy. Qytaı tarabymen kelissóz ótkennen keıin ǵana ekinshi AES qurylysy týraly aıtýǵa bolatyn shyǵar, — dedi agenttik tóraǵasy.