Elimizde ár balaǵa 70 myń teńge járdemaqy tólene me – mınıstr jaýap berdi

Foto: ashyq derekkóz

Eńbek jáne halyqty áleýmettik qorǵaý mınıstri Svetlana Jaqypova Májilis depýtaty Gaýhar Tanashevanyń balalar járdemaqysy retinde ár balaǵa 70 myń teńge tóleý týraly usynysyna túsinikteme berdi, dep habarlaıdy qandastar.kz El.kz aqparat agenttigine silteme jasap.

Jakqypovanyń aıtýynsha, mınıstrlikte belgili bir bıýdjet qarajatyn qajet etetin ózgerister paketi daıyndalýda.

Biz tek bıýdjetti belgili deńgeıde ońtaılandyryp qana, bul taqyrypqa kele alamyz. Eger mundaı sheshim qabyldansa, salyq tóleýshiler úshin úlken aýyrtpalyq bolady, – dedi mınıstr.

Svetlana Jaqypova habarlaǵandaı, búginde bıýdjet (áleýmettik qajettilikterge arnalǵan) shamamen 6 trıllıon teńgeni quraıdy, bul respýblıkalyq bıýdjettiń 38 paıyzy.

Sharttarsyz qosymsha tólemderdi engizý kezinde keminde taǵy 3 trıllıon teńge qajet bolady. Bul salyqty kóterý kerek degendi bildiredi, – dep qorytyndylady sheneýnik.