جاڭالىقتارجۇمىسپەن قامتۋ
ەلىمىزدە اسكەري قىزمەتكە قابىلداۋدى تسيفرلاندىرۋ قولعا الىنباق
ەندى كەلىسىمشارت بويىنشا اسكەر قىزمەتكە قابىلدانۋ ءۇشىن ۇيدەن شىقپاي-اق ورنالاسۋعا بولادى, دەپ حابارلايدى qandastar.kz.
بۇل جوبانى قورعانىس مينيسترلىگى مەن تسيفرلىق دامۋ مينيسترلىگى بىرلەسىپ جۇزەگە اسىرىپ جاتىر.
جۇمىسقا تۇرۋعا ءوتىنىش بەرگىسى كەلگەن ۇمىتكەر ارمياداعى بوس جۇمىس ورىندارىن تاۋىپ, وعان ارنايى سەرۆيس ارقىلى قۇجات تاپسىرادى. وتىنىمگە ەتسپ كومەگىمەن قول قويۋعا بولادى.
سودان كەيىن جۇمىسقا قاتىستى حابارلامالاردى سمس ارقىلى ءبىلىپ وتىرادى.
ەگەر قورعانىس مينيسترلىگى ءوتىنىشتى الدىن الا ماقۇلداسا, ۇمىتكەر تۋرالى دەرەكتەر وسى ادام تۇراتىن ايماقتىڭ مەديتسينالىق كوميسسياسىنا بەرىلەدى. وندا ول تەكسەرىستەن وتەدى.
ەگەر ىرىكتەۋدىڭ بارلىق كەزەڭىنەن ءساتتى وتسە, قورعانىس مينيسترلىگى ۇمىتكەرگە ەلەكترون قولتاڭبا ارقىلى قول قويا الاتىن كەلىسىمشارت جاساسۋ تۋرالى كەلىسىمدى جىبەرەدى.
بۇيرىق جوباسى 1 شىلدەدە جاريالانعان, ونى تالقىلاۋ 16 شىلدەگە دەيىن جالعاسادى.
