Elimizde aýyl sharýashylyǵy sanaǵy ótedi

Foto: gov.kz

Strategııalyq josparlaý jáne reformalar agenttigi tóraǵasynyń orynbasary Oljas Tóleýov Ulttyq aýyl sharýashylyǵy sanaǵyn ótkizýge daıyndyq barysy jóninde keńes ótkizdi, – dep habarlaıdy qandastar.kz

Sanaqtyń basty maqsaty aýyl sharýashylyǵynyń naqty jaǵdaıy týraly egjeı-tegjeıli aqparat alý bolyp tabylady. Bul osy saladaǵy áleýmettik-ekonomıkalyq saıasatty ázirleý men iske asyrýdyń tıimdiligin arttyrýǵa múmkindik beredi.

Ulttyq statıstıka bıýrosy basshysynyń orynbasary Ásel Shaýenovanyń aıtýynsha, sanaq búkil el boıynsha 20 myń aýylsharýashylyq kásipornyn, 300 myń sharýa jáne fermer qojalyǵyn, sondaı-aq 1,9 mıllıonnan astam jeke qosalqy sharýashylyqty qamtıdy.

Sanaqtyń negizgi bólimderi jer resýrstary jáne olardy paıdalaný, mal sharýashylyǵy, balyq sharýashylyǵy, tehnıkalyq quraldar, óndiristik úı-jaılar, aýyl sharýashylyǵy ónimderin ótkizý, ınfraqurylymnyń qoljetimdiligi, eńbek resýrstary, sharýashylyq júrgizý sharttary, ıfrlyq tehnologııalardy paıdalaný týraly aqparatty qamtıdy.

Jumys jospary boıynsha 1 tamyzda sanaq.gov.kz saıtynda onlaın saýalnama bastalady, ol 2025 jyldyń 31 tamyzyna deıin jalǵasady. 20 qyrkúıekten 20 qazanǵa deıin onlaın saýalnamadan ótpegen adamdar úshin jeke suhbat arqyly sanaq kezeńi ótkiziledi.