Elimizde aýyl sharýashylyǵy tehnıkasynyń 76%-i eskirgen

Mashına-traktor parkiniń 76%-i eskirgen. Al jeńildikpen beriletin lızıng barlyǵyna birdeı jetpeıdi. Byltyr jańa tehnıka alýǵa nıet bildirgen 4000 adamnyń ótinishi qaraýsyz qalǵan. Aýyl sharýashylyǵy tehnıkasyn jańǵyrtý jumystarynyń baıaý júrýi salanyń da damýyn tejeıdi.

Qýandyq Tanabas, tilshi: – Maqsat Ábdirahmanov sharýa qojalyǵyn 2014 jyly qurdy. Bastapqyda 6 gektar jer ıgergen. Qazir 230 gektarǵa soıa, qant qyzylshasyn egedi. 2018 jyly alǵash ret lızıngke traktor aldy. Sodan beri 10 tehnıkany memleket qoldaýymen jańartty. Maqsat Ábdirahmanov, sharýa qojalyǵynyń basshysy: – Pálenbaı mıllıon tólegenshe kredıt arqyly alam, 15%-in tóleımin.

Onyń 25% sýbsıdııasyn memleket qaıtaryp beredi bizge. Kádimgideı kómek qoı. Artyq aqshaǵa jer alyp, jumysshylardyń ashqasy bar degendeı. Úkimettiń arqasynda 10 tehnıka alyp, sonyń arqasynda ósip-ónip jatyrmyz. Tehnıkanyń arqasynda ǵoı. Memleket qoldaýymen kásipkerdiń sharýasy shırap, jumysy alǵa basty. Sý jańa tehnıkanyń arqasynda ónim kólemi de ulǵaıdy deıdi dıqandar. Oljas Muhamedsadyqov, sharýa qojalyǵynyń jumysshysy: – Oılanbaı, qınalmaı tartady. 11 saǵatta 20 ga jer aıdaldy. Tamasha, kondııoner, nanotehnologııa ǵoı pochtı.

Eki «Belarýstiń» jumysyn osy traktor atqaryp tur qazirgi zamanda. Degenmen, eldegi aýylsharýashylyq tehnoparkin jańartý jumystary baıaý júrýde. Aıtalyq, Qazaqstanda qazir 150 myńǵa jýyq traktor, 38 myń kombaın, 5 myń tuqym sebý kesheni, 200 myńnan astam topyraq óńdeý mashınalary bar. Sharýalar ildebaılap qoldanyp júrgen osy tehnıkanyń 76%-i eskirgen. Al mashına parkin jańartýǵa túsken ótinishterdiń barlyǵyn qanaǵattandyrý múmkin bolmaı tur. Baqyt Ilııasov, QR AShM tehnıkalyq jaraqtandyrý basqarmasynyń basshysy: – О́tinish kóp. Ony ashyǵyn aıtaıyq, qarajat jetpeı jatyr. Ayl sharýashylyǵy fermerleriniń málimeti boıynsha qarajattyń jetispeýliginen 4 myń ótinish qaraýsyz qaldy. Bıyl mınıstrlikpen biraz sharalar jasalynyp jatyr.

100 mlrd teńgege Ulttyq ekonomıka mınıstrligimen kelisim bar. Respýblıkalyq bıýdjetti anyqtaý kezeńinde aqsha bólinedi dep kútilýdemiz. «Baǵdarlamaǵa qatysqan sharýalardan traktorǵa suranys joǵary, ásirese, otandyq tehnıkaǵa tapsyrys kóp», – deıdi mamandar. Qazaqstandyq óndirýshiler óz tarapynan suranysty qaýqarynsha óteýge tyrysýda. Máselen, 2022 jyly elde 3911 traktor shyǵarylsa, byltyr bul san 30%-ke artyp, otandyq kompanııalar 5111 traktor jasaǵan. Tehnıkalardyń barlyǵy sharýalarǵa eń qolaıly sharttarmen beriledi.

Baqyt Ilııasov, QR AShM tehnıkalyq jaraqtandyrý basqarmasynyń basshysy: – Byltyr Aýyl sharýashylyǵy mınıstrligimen 20 mlrd teńgege jeńildetilgen lızıng baǵdarlamasy «QazAgroQarjy» arqyly júzege asyryldy. 3500 tehnıka 1500 sharýaǵa jeńildikpen berildi. Ol jerdegi negizgi sharttary 6%, on jylǵa, alǵashqy jarnasyz. Ol óte qolaıly sharttar bizdiń sharýalarǵa. Jeńildikpen tehnıka alǵysy keletin sharýalar úshin «Qazaqstanda jasalǵan», «Jasyl ónim», «О́z azyǵy», «Jeńildikti lızıng» dep atalatyn lızıngtik baǵdarlamalar bar.

Aýyl sharýashylyǵy mınıstrligi atalmysh qarjylyq jobalar arqyly jyl saıyn mashına parkiniń 8-10%-in jańartýdy josparlap otyr.